Конституциялык палатанын судьялары жана аппараттын кызматкерлери ишембилик ѳткѳрүштү
Кыргыз Республикасынын Жогорку сотунун Конституциялык палатасынын судьялары жана аппараттын кызматкерлери Бишкек шаарынын эң кооз жерлеринин бири болгон Эркиндик бульварында ишембилик ѳткѳрүштү. Токтогул кѳчѳсүнѳн Киев кѳчѳсүнѳ чейинки тилкеде 30 эмен кѳчѳтү, 2 кайың кѳчѳтү, 300 түп тирүү тосмо отургузулду. Кѳчѳттѳрдүн кѳпчүлүгү “Зеленстрой” муниципалдык ишканасы тарабына берилсе, 200 түп тирүү тосмо Конституциялык палатанын каражатынан алынган. Конституциялык палата мындан ары да бульвардын аймагында кѳчѳттѳрдү отургузууну жана бак-дарактарды багып кароону улантмакчы.
