Жаңылыктар

Бишкек / Баку — 2026-жылдын 20-октябры — Кыргыз Республикасынын Конституциялык сотунун судьясы Жамиль Асанбекович Шаршеналиев баштаган делегация Азербайжан Республикасынын Баку шаарында өткөн Түрк дүйнөсүнүн конституциялык юрисдикция органдарынын конференциясынын (TÜRK-AY) алкагындагы тегерек столдун ишине катышты. Иш-чара «Конституциялык соттордун ишинде жасалма интеллекттин ролу» аттуу актуалдуу темага арналды.   Эл аралык абройлуу иш-чарага Азербайжандын, Түркиянын, Казакстандын, Өзбекстандын, Пакистандын жана Кыргызстандын конституциялык юрисдикция органдарынын жетекчилери жана судьялары катышты. Форумдун программасында Азербайжан Республикасынын Конституциялык сотунун төрагасы Фархад Абдуллаевдин төрагалыгы алдында расмий ачылыш аземи, эксперттик баяндамалар жана презентациялар, ошондой эле сот адилеттигин санариптик трансформациялоо маселелери боюнча ачык талкуулар  өттү.   Сессиянын алкагында Кыргыз Республикасынын Конституциялык сотунун судьясы Жамиль Шаршеналиев «Конституциялык контролдоо органдарынын ишинде жасалма интеллекттин ролу» деген темада баяндама жасады.   Өз сөзүндө Ж. Шаршеналиев жасалма интеллект чечимдерди кабыл алуу процесстеринин ажырагыс бөлүгүнө айланып бара жатканын белгилеп, анын маалыматты ыкчам издөө, соттук кызмат көрсөтүүлөрдүн жеткиликтүүлүгүн жогорулатуу жана укуктук талдоонун сапатын жакшыртуу жаатындагы кеңири мүмкүнчүлүктөрүнө токтолду. Ошондой эле ал мындай шартта конституциялык юрисдикция органдарынын негизги милдети — жаңы технологияларды колдонууда Конституциянын үстөмдүгүн, соттун көз карандысыздыгын жана адам укуктарынын артыкчылыгын камсыз кылган укуктук багыттарды аныктоо экендигин баса белгиледи.   Кыргызстандын делегациясы санариптик сот өндүрүшүнүн укуктук негиздерин калыптандыруу боюнча улуттук тажрыйба менен бөлүштү. Атап айтканда, өлкөдө электрондук сот иши, санариптик процессуалдык документтер, сот отурумдарына аралыктан катышуу жана сот процесстерин каттоо инс...

Кыргыз Республикасынын Башкы прокуратурасынын алдындагы Юридикалык академияда Кыргыз Республикасынын Конституциялык сотунун судьясы Кырккелди Жумалиевич Кыдырбаев студенттер үчүн  лекция өттү.   Жолугушуу «Конституция жана конституциялык көзөмөл коомдун турмушунда» деген темада болду. Судья укуктук мамлекеттин Негизги мыйзамы катары Конституциянын маанисине токтолуп, укуктун үстөмдүгү, бийлик бутактарынын бөлүнүшү, адамдын укуктары менен эркиндиктерин коргоо принциптери тууралуу айтып берди. Ошондой эле конституциялык көзөмөл иш жүзүндө кандай жүзөгө ашырылары жана Конституциялык сот кандай чечимдерди кабыл алары тууралуу маалымат берди.   Жолугушуу  болочоктогу юристтер – студенттер менен баарлашууга өзгөчө көңүл бурулду. Судья Кыдырбаев өлкөнүн укуктук тутумунун келечеги жаш муундун колунда экендигин белгиледи. Ал бүгүнкү күндө алардын келечектеги юридикалык ишмердигине негиз боло турган бекем пайдубал түптөлүп жатканын,  бүгүн алган билим, окууга болгон мамиле жана өзүн-өзү өнүктүрүүгө болгон аракет келечекте алардын кесиптик деңгээлинин жана юридикалык ишмердигинин негизин түзөт,  – деди.   «Келечек — силердин  колуңарда. Ошондуктан бекем пайдубалды  бүгүн түптөө маанилүү: жакшы окуп, укукту терең билип, ар дайым өнүгүүгө умтулуу керек», — деп белгиледи судья.   Студенттердин темага болгон жандуу кызыгуусу суроо-жооп жана талкуу менен уланды. Жолугушууда конституциялык көзөмөл жана Конституциялык соттун практикасы тууралуу пикир алышуу менен катар, келечектеги адистерди кызыктырган суроолорду иштеп жаткан судья менен түздөн-түз талкуулоого мүмкүнчүлүк түзүлдү.    

София шаары, 2026-жылдын 15-октябры — Кыргыз Республикасынын Конституциялык сотунун судьялары Меергүл Бобукеева жана Бакыт Кыдыралиева Болгария Республикасынын Конституциялык соту тарабынан анын түзүлгөндүгүнүн 35 жылдыгына карата уюштурулган «Конституциялык соттордун мыйзам үстөмдүгүн камсыз кылуудагы ролу» аттуу эл аралык конференцияга катышты. Европа, Азия жана Африканын 31 мамлекетинин конституциялык юрисдикцияларынын өкүлдөрүн бириктирген конференция англис тилинде өттү.   Конференциянын жүрүшүндө конституциялык соттордун ишмердигинин актуалдуу маселелери, анын ичинде алардын курамы жана көз карандысыздыгы, кабыл алган чечимдеринин мамлекеттик органдар тарабынан аткарылышы, ошондой эле кризистик кырдаалдарда конституциялык юрисдикциялардын иш тажрыйбасы талкууланды. Конференциянын иши үч панелдик сессиянын алкагында өттү.   «Кризистик кырдаалдарда конституциялык соттордун соттук практикасы» аттуу панелдик сессиянын алкагында Кыргыз Республикасынын Конституциялык сотунун судьясы Меергүл Бобукеева «Кризистик кырдаалдарда конституциялык соттордун практикасы: Кыргыз Республикасынын тажрыйбасы» деген темада баяндама жасады.   Өз баяндамасында ал Кыргыз Республикасынын тажрыйбасына токтолуп, масштабдуу коомдук-саясий кризис шарттарында да мамлекеттик органдар Конституциянын чегинде иш алып барууга милдеттүү экенин белгиледи. Кадимки жол-жоболордон четтөөгө өзгөчө зарылдык болгон учурда гана жол берилиши мүмкүн. Ошол эле учурда кризистик мезгилде кабыл алынган чаралар зарыл жана пропорционалдуу болуп, мамлекеттин туруктуулугун камсыз кылууга, негизги конституциялык принциптерди жана жарандардын укуктарынын кепилдиктерин сактоого багытталууга тийиш.   «Конституциялык сот адилеттигинин милдети — Конституция менен туруктуулуктун ортосунда тандоо жүргүзүү эмес, туруктуулукту Конституциянын негизинде жана анын чегинде камсыз кылуу. Дал кризистик мезгилдерде Конституция мамлекет жана коом үчүн негизги укуктук багыт болуп кала бериши өзгөчө маанилүү», — деп белгил...

Бишкек ш., 2026-жылдын 15-октябры — Бүгүн борбор калаадагы «Орион» мейманканасында Кыргыз Республикасынын судьяларынын Ар жылдык төртүнчү конференциясы ишин баштады. Быйылкы жолугушуунун башкы темасы — Туруктуу өнүгүү максаттарынын контекстинде экологиялык сот адилеттиги жана эл аралык стандарттар менен өлкөдөгү реалдуу практиканын ортосундагы тең салмактуулук.     Бул иш-чараны  КР Жогорку соту менен КР Судьялар ассоциациясы уюштурду. Жогорку инстанциядагы соттордун судьялары, профилдик министрликтердин өкүлдөрү, эксперттер жана эл аралык өнөктөштөр экологиялык кырдаалга жана климаттык саясатка соттор кандайча реалдуу таасир эте аларын талкуулоо үчүн бир столдун тегерегинде чогулушту.     Катышуучулардын өзгөчө көңүлүн жаратылышты коргоонун институционалдык механизмдери бурду. Тематикалык сессиянын алкагында Кыргыз Республикасынын Конституциялык сотунун судьясы Лунара Чаткалбековна Жолдошева «Конституциялык контроль – келечек муундун экологиялык укуктарын жана кызыкчылыктарын камсыз кылуу каражаты» деген баяндамасы менен чыгып сүйлөдү.     Ал өз сөзүндө конституциялык мыйзамдын призмасы аркылуу жарандардын учурдагы экологиялык укуктарын гана эмес, ошондой эле кыргызстандык келечек муундар үчүн да коопсуз чөйрөнү кантип камсыз кылуу керек деген маанилүү маселени көтөрдү.   Конференция дискуссия жана практикалык кадамдарды талкуулоо форматында өз ишин улантат, алар республикада экологиялык сот адилеттигин мындан да натыйжалуу кылууга жардам берет.  

Кыргыз Республикасынын Конституциялык соту Кыргыз Республикасынын «Кыргыз Республикасындагы Адвокатура жана адвокаттык иш, ошондой эле юридикалык өкүлдөр жөнүндө» Мыйзамынын 22-беренесинин 4-бөлүгүнүн 4-пунктунун Кыргыз Республикасынын Конституциясынын 6-беренесинин 3-бөлүгүнө, 23-беренесинин 1, 4 жана 5-бөлүктөрүнө, 42-беренесинин 1-бөлүгүнө, 55-беренесине, 56-беренесинин 2-бөлүгүнө, 61-беренесинин 1, 2 жана 3-бөлүктөрүнө, 101-беренесинин 1, 2 жана 3-бөлүктөрүнө шайкештигин текшерүү жөнүндө кайрылууну өндүрүшкө кабыл алды.   Талашылып жаткан ченемде адвокат тарабынан аталган Мыйзамдын талаптары бузулган учурда адвокаттык иш жүргүзүү укугуна берилген лицензиядан ажыратуу каралган.   Арыз ээсинин пикиринде, аталган ченем укуктук тактык талаптарына жооп бербейт, анткени мындай катаал чараны колдонууга негиз боло турган мыйзам бузуунун мүнөзүн, оордук даражасын жана кесепеттерин аныктоого мүмкүндүк берүүчү критерийлерди белгилебейт. Мындай критерийлердин жоктугу мыйзам бузуунун олуттуулугуна карабастан, ар кандай мыйзам бузуу үчүн лицензиядан ажыратууга жол берип, укук колдонуу органынын кароосуна өтө кеңири чектерди берет. Арыз ээси бул жагдай ченемди өзүм билемдик менен колдонууга шарт түзүп, эмгек эркиндигине жана кесипти

2026-жылдын 1–2-октябрында Самарканд шаарында Азия конституциялык сотторунун жана ага теңештирилген институттарынын ассоциациясынын VII Конгресси «Санариптештирүү жана жасалма интеллект шарттарындагы конституциялык сот адилеттиги» деген темада өттү. Конгресстин ишине 20дан ашык өлкөнүн конституциялык жана жогорку сотторунун жетекчилери жана өкүлдөрү, эл аралык уюмдардын өкүлдөрү, ошондой эле алдыңкы окумуштуу-укук таануучулар катышты. Азия конституциялык сотторунун жана ага теңештирилген институттарынын ассоциациясына 22 өлкө кирет.   Кыргыз Республикасынын атынан Конгрессте Кыргыз Республикасынын Конституциялык сотунун төрагасы Эмил Жолдошевич Осконбаев өкүлчүлүк кылды. Ал санариптештирүүнүн жана жасалма интеллекттин конституциялык аспектилерине арналган баяндама жасады. Баяндаманын өзөгүн мамлекеттик башкарууда жана сот адилеттиги чөйрөсүндө санариптик технологиялар жана жасалма интеллект активдүү колдонулуп жаткан шартта конституциялык кепилдиктерди камсыз кылуу маселеси түздү. Эмил Осконбаев жасалма интеллектти көмөкчү каражат катары колдонууга болорун, бирок ал соттун көз карандысыз укуктук баа берүүсүн алмаштырбашы керектигин белгиледи. Мындай технологияларды колдонууда алгоритмдердин ачыктыгын жана текшерилишин камсыз кылуу, жеке маалыматтарды коргоо, басмырлоого жол бербөө, ошондой эле адамга кабыл алынган чечимдин негиздери жөнүндө маалымат алуу жана аны натыйжалуу даттануу мүмкүнчүлүгүн берүү зарылдыгына көңүл бурду.   Ошондой эле Э. Осконбаев «Конституциялык көзөмөлдөгү жасалма интеллект: мүмкүнчүлүктөрү, укуктук чектери жана процессуалдык кепилдиктер» аттуу II пленардык жыйында модератор катары сөз сүйлөдү. Жыйындын катышуучулары  конституциялык көзөмөл органдарынын ишинде жасалма интеллектти колдонуунун мүмкүнчүлүктөрүн жана адам укуктарын коргоо үчүн зарыл болгон укуктук кепилдиктерди талкуулашты.   Конгресстин жыйынтыгы боюнча катышуучулар Самарканд декларациясын кабыл алышты. Анда санариптик трансформациялоо шартында Конституциянын ү...

                                                                                                                                2026-жылдын 1-октябрында Бишкек шаарында Кыргыз Республикасынын Жогорку соту тарабынан уюштурулган «Сот тутумунун көз карандысыздыгын жана кадыр-баркын чыңдоонун укуктук маселелери» аттуу эл аралык илимий-практикалык конференция болуп өттү. Конференцияга Россия Федерациясынан анын  Жогорку сотунун Төрагасы Игорь Краснов катышты. Ошондой эле иш-чарага Кыргыз Республикасынын жана Россия Федерациясынын сот органдарынын жана билим берүү мекемелеринин өкүлдөрү катышты.   Конференциянын жүрүшүндө сот бийлигинин көз карандысыздыгы, аны финансылык жактан камсыз кылуу, сот адилеттигин санариптештирүү, судьяларды даярдоо жана соттун кадыр-баркын жогорулатуу маселелери талкууланды. Кыргыз Республикасынын Жогорку сотунун Төрагасы Медербек Сатыев азыркы шарттарда сот бийлигинин көз карандысыздыгы өз ара байланышкан үч багытта — укуктук, финансылык жана санариптик багыттарда камсыз кылынууга тийиш экендигин белгиледи. «XXI кылымда сот бийлигинин көз карандысыздыгын камсыз кылган бери дегенде эле үч – укуктук, финансылык жана санариптик ченеми болушу керек», — деп баса белгиледи ал.   Конференциянын ишине Кыргыз Республикасынын Конституциялык сотунун судьялары да катышты. Конституциялык соттун судьясы Чинара Айдарбекова «Кыргыз Республикасындагы сот бийлигинин көз карандысыздыгынын конституциялык-укуктук аспектилери» деген темада баяндама жасады. Ал сот бийлигинин көз карандысызды...

                                                                                  2026-жылдын 1–2-октябрында Өзбекстан Республикасынын Самарканд шаарында «Санариптештирүү жана жасалма интеллект шарттарындагы конституциялык сот адилеттиги» темасында Азия конституциялык соттору жана ага теңештирилген институттар ассоциациясынын VII Конгресси өтүүдө.   Кыргыз Республикасын Конгрессте Конституциялык соттун төрагасы Эмиль Осконбаев баштаган делегация өкүлчүлүк кылууда. Бүгүн, 1-октябрда, Ассоциациянын Башкы катчыларынын жыйыны, Мүчөлөр кеңешинин жыйыны, жумушчу жана эки тараптуу жолугушуулар, Конгресстин ачылыш аземи, ошондой эле «Санариптик трансформация шарттарында судьялардын көз карандысыздыгы, адам укуктары жана мыйзамдын үстөмдүгү» темасында I пленардык жыйын өтөт. Жыйындын алкагында Конституциялык соттун төрагасы Эмиль Осконбаев баяндама жасайт.   2-октябрда «Конституциялык көзөмөлдөгү жасалма интеллект: мүмкүнчүлүктөрү, укуктук чектери жана процесстик кепилдиктер» темасында II пленардык жыйын өтөт. Ага Эмиль Осконбаев жана Индиянын Башкы судьясы Сурья Кант модераторлук кылат. Ошондой эле бул күнү Түрк дүйнөсүнүн конституциялык юрисдикцияларынын конференциясынын жумушчу жыйыны, Ассоциация Мүчөлөр кеңешинин жыйынтыктоочу жыйыны жана VII Конгресстин жабылыш аземи өтөт.  

Бүгүнкү күндө жер маселелери эң актуалдуу темалардын бири бойдон калууда. 2025-жылы жана 2026-жылдын биринчи жарым жылдыгында өлкөнүн сотторуна келип түшкөн административдик доолордун 63,79 пайызы жер талаштарына байланыштуу болгон. Ушуга байланыштуу Кыргыз Республикасынын Жогорку соту судьялардын, Кыргыз Республикасынын Президентинин Администрациясынын, Конституциялык соттун, Башкы прокуратуранын, мамлекеттик органдардын жана жергиликтүү өз алдынча башкаруу органдарынын өкүлдөрүнүн катышуусунда «Жер мамилелери чөйрөсүндө административдик жол-жоболорду жүргүзүүдө келип чыккан көйгөйлүү маселелер» аттуу тегерек стол өткөрдү.   Иш-чараны ачып жатып, Жогорку соттун төрагасынын орун басары Нургүл Бакирова ачык кесиптик диалог жүргүзүүнүн жана конструктивдүү чечимдерди издөөнүн зарылдыгын белгиледи. Ал мамлекеттик органдардын иши адамга жана анын укуктарын коргоого багытталууга тийиш экенин баса белгиледи.   Конституциялык соттун судьясы Чинара Айдарбекова өз баяндамасында бул маселеге конституциялык өңүттөн токтолуп: «Ар бир жер талашынын артында конкреттүү адам жана анын укугу турат», — деди. Ал мыйзамдуу түрдө алынган жер укугу мамлекет тарабынан урматталып, корголууга тийиш экенин, ал эми аны чектөө өзүм билемдик менен жүргүзүлбөшү керектигин белгиледи.   Катышуучулар жер тилкелерин берүү, каттоо жана алып коюу маселелерин, ошондой эле мындай талаштарды кароонун соттук практикасын талкуулашты. Талкуунун өзөгүндө жөнөкөй, бирок принципиалдуу суроо турду: жер маселелерине байланыштуу жол-жоболорду адамдын кызыкчылыгына кызмат кылгандай кылып, анын укуктарынын реалдуу корголушун кантип камсыз кылууга болот? Жолугушуунун жыйынтыгында мыйзамдарды жана аларды колдонуу практикасын өркүндөтүүгө багытталган бир катар сунуштар иштелип чыкты.  

Кыргыз Республикасынын Конституциялык соту Кыргыз Республикасынын «Бажылык жөнгө салуу жөнүндө» Мыйзамынын 3, 5, 77 жана 83-беренелеринин жоболорунун Евразия экономикалык бирлигинин Бажы кодексинин жоболору менен өз ара байланышта Кыргыз Республикасынын Конституциясынын 6-беренесинин 3, 5-бөлүктөрүнө, 24-беренесинин 1-бөлүгүнө, 56-беренесинин 2-бөлүгүнө жана 61-беренесинин 1-бөлүгүнө ылайык келүүсүн текшерүү жөнүндө кайрылууну өндүрүшкө кабыл алды.   Талашка алынган жоболор бажы мыйзамдарынын убакыт боюнча колдонулушун, мөөнөттөрдү эсептөөнү жана бажы төлөмдөрүн өндүрүп алуунун мөөнөттөрүн жөнгө салат. Маселе 2011 жана 2013-жылдары убактылуу алып келинген транспорт каражаттарына байланыштуу бажы төлөмдөрүн жана туумдарды өндүрүп алуу жөнүндө иштерди кароодо келип чыккан. Аталган транспорт каражаттарынын өлкөдөн чыгарылбагандыгы 2024-жылы аныкталган.   Кайрылууда бажы төлөмдөрүн өндүрүп алуу мөөнөттөрүнүн укуктук аныктуулугу, анын ичинде мөөнөттүн башталган учуру жана акыркы чеги, ошондой эле мурда келип чыккан укуктук мамилелерге кийин кабыл алынган укуктук жөнгө салууну колдонууга, эгерде бул адамдын укуктук абалын начарлатышы мүмкүн болсо, жол берилер-берилбеси тууралуу маселелер көтөрүлгөн.

19-сентябрда Кыргыз Республикасынын Конституциялык сотунун Аппараты жалпы республикалык ишембиликке катышты.   Аппараттын кызматкерлери биргелешип, имаратка жанаша жайгашкан аймакты тазалап, жашыл зоналарды жана башка участокторду иретке келтиришти. Таштандылар жана куураган өсүмдүктөр жыйналды.   Ишембиликтин жүрүшүндө аймак тазаланып, иретке келтирилди. Мындай иш-чаралар айлана-чөйрөнү таза жана тыкан сактоого багытталган.   Сиз да кошулуңуз! Шаарларыбызда, айылдарыбызда жана жалпы өлкөбүздө тазалыкты жана тартипти бирге сактайлы.      

Конституциялык сотто төрага Эмиль Осконбаевдин Кыргыз Республикасындагы миссиясын аяктап жаткан БУУнун туруктуу координатору Антье Граве менен жолугушуусу болуп өттү.   Тараптар биргелешкен иштин жыйынтыгын чыгарышты жана өз ара аракеттенүүнүн мындан аркы багыттарын талкуулашты. Антье Граве 2023-2027-жылдарга БУУнун алкактык программасы аяктап баратканын, ал эми кийинки программаны даярдоо башталганын билдирди. Жаңы документти иштеп чыгууда мыйзамдын үстөмдүгүнө, адам укуктарын жана эркиндиктерин коргоого, мамлекеттик институттарды бекемдөөгө жана сот адилеттигине жетүүгө өзгөчө көңүл бурулат.   Буга байланыштуу Антье Граве Конституциялык соттун кесиптик пикиринин жана анын келечектеги артыкчылыктарды талкуулоого катышуусунун маанилүүлүгүн баса белгиледи.   Өз кезегинде Эмиль Осконбаев Кыргызстан үчүн БУУ менен кызматташуу өзгөчө мааниге ээ экенин, анткени эл аралык тажрыйба жана эксперттик колдоо мамлекеттик институттарды жана адам укуктарын жана эркиндиктерин коргоо механизмдерин өркүндөтүүгө жардам берерин белгиледи. Ал укуктун үстөмдүгү жана адам укуктарынын кепилдиктери мамлекеттин туруктуу өнүгүүсүнүн негизи экенин, ал эми улуттук институттардын эл аралык уюмдар менен натыйжалуу өз ара аракеттенүүсү дүйнөлүк мыкты тажрыйбаларды эске алууга жана заманбап чечимдерди табууга мүмкүндүк берерин баса белгиледи.   Төрага Антье Гравеге ачык диалог жана жемиштүү биргелешкен иш үчүн ыраазычылык билдирип, андан аркы ишмердүүлүгүндө ийгиликтерди каалады жана кесиптик байланыштарды улантууга үмүттөнөрүн билдирди.

Конституциялык сотто мамлекеттик көз карандысыздыктын 35 жылдыгына карата иш-чара болуп өттү. Бул күнү аппараттын кызматкерлери, ошондой эле ведомство өз ишинде кызматташкан мамлекеттик органдардын жана уюмдардын өкүлдөрү белгиленди.   Сыйлыктар ак эмгеги, кесипкөйлүгү жана жалпы ишке кошкон салымы үчүн, анын ичинде конституциялык мыйзамдуулукту бекемдөө жана адам укуктарын жана эркиндиктерин коргоо үчүн берилди.   Конституциялык соттун төрагасы Эмиль Осконбаев белгилегендей, ар бир мамлекеттик органдын ишинин жыйынтыгынын артында ар бири өз участогу үчүн жооп берген жана жалпы ишке өз салымын кошкон адамдар турат. Ошондой эле мамлекеттик органдардын ортосундагы кесиптик кызматташтыктын маанилүүлүгүн баса белгиледи. Биргелешип иштөө, маалымат алмашуу жана өз ара жардам берүү пайда болгон маселелерди чечүүгө жана коюлган милдеттерди натыйжалуу аткарууга мүмкүндүк берет.   Сыйлыктарды тапшыруу мамлекеттик органдарды жалпы милдеттерди чечүүдө бириктирген кызматташтыкка жана эмгекке кошкон салымы үчүн ыраазычылык билдирүү болду. Иш-чаранын соңунда төрага сыйлык алгандарды куттуктап, аларга ден соолук, бакубатчылык жана кесиптик ишинде мындан аркы ийгиликтерди каалады.Иш-чаранын соңунда Төрага сыйлангандарды куттуктап, аларга бекем ден соолук, бакубатчылык жана кесиптик ишмердигинде мындан аркы ийгиликтерди каалады.                   ...

Кыргыз Республикасынын Конституциялык соту  Кыргыз Республикасынын Укук бузуулар жөнүндө кодексинин 554-беренесинин 4-бөлүгүнүн Кыргыз Республикасынын Конституциясынын 56-беренесинин 2-бөлүгүнө, 61-беренесинин 1-бөлүгүнө жана 100-беренесинин 4-бөлүгүнө ылайык келүүсүн текшерүү жөнүндө өтүнүчүтy өндүрүшкө кабыл алды.   Кайрылуу укук бузуу жөнүндө иш боюнча ыйгарым укуктуу органдын токтомуна берилген даттануу боюнча кабыл алынган биринчи инстанциядагы соттун токтомуна даттанууда апелляциялык инстанциядагы соттун ыйгарым укуктарын аныктоочу жоболорго тиешелүү.   Талашылып жаткан ченемге ылайык, апелляциялык даттанууну кароонун жыйынтыгы боюнча апелляциялык инстанциядагы сот даттанууну канааттандыруусуз калтырууга; биринчи инстанциядагы соттун токтомун жокко чыгарып, ыйгарым укуктуу органдын токтомун өзгөртүүсүз калтырууга; же биринчи инстанциядагы соттун жана ыйгарым укуктуу органдын токтомдорун жокко чыгарып, иш боюнча өндүрүштү токтотууга укуктуу.   Арыз ээлери талашылып жаткан ченемде апелляциялык инстанциядагы соттун жаңы чечим кабыл алууга, соттук актыны өзгөртүүгө же ишти кетирилген бузууларды жоюу үчүн жаңыдан кароого жөнөтүүгө ыйгарым укуктары каралбаганын белгилешет. Алардын пикиринде, мындай чектөө натыйжалуу соттук коргоого тоскоолдук кылат жана ишти жогорку инстанциядагы сот тарабынан кайра кароонун конституциялык кепилдиктерин толук камсыз кылбайт.   Аныктама менен кененирээк төмөнкү шилтемеден тааныша аласыздар:https://constsot.kg/wp-content/uploads/2026/09/opred-o-prinyatii-ot-15.09.26.pdf