2024-жылдын 27-февралы, Бишкек, Кыргызстан
Бүгүн Евразия экономикалык сотунун төрагасынын милдетин аткаруучу А.А. Дронов башчылык кылган судьялардын делегациясы Евразия экономикалык бирлигинин (ЕАЭБ) алкагында интеграциялоого тиешелүү маселелерди талкуулоо жана тыгыз өз ара байланышты орнотуу үчүн Кыргызстанга биринчи жолу келишти. Делегациянын курамында, ошондой эле Төраганын орун басарынын милдетин аткаруучу А.М. Ажибраимова жана судьялар А. А. Забара, М. Т. Кайыпов, А. Б. Кишкембаев, А. Г. Тунян катышты.
Төраганын милдетин аткаруучу А.А. Дроновдун сөзү боюнча, Кыргызстан интеграциялоо маселелери боюнча үзүрлүү кызматташтыкты жана диалогду орнотуу үчүн ушундай курамда ЕАЭСтин өкүлдөрү келген биринчи өлкө болду. Бул расмий иш-сапар ЕАЭБге мүчө өлкөлөрдүн ортосунда өз ара түшүнүүнү жана кызматташтыкты тереңдетүү багытында маанилүү кадам болду.
Кыргыз Республикасынын Конституциялык сотунун төрагасы Э.Ж. Осконбаев, өз компетенциясынын алкагында Евразия экономикалык соту менен диалогду жана кызматташтыкты орнотууга даярдыгын билдирди. Ал, Кыргызстандын Конституциялык соту жарандардын укуктарын жакшыртуу жана коргоо максатында өз ара аракеттенүүгө ачык деп баса белгиледи.
Эки тарап тең Евразия экономикалык соту менен Кыргызстандын Конституциялык сотунун ортосундагы кызматташтыкты тереңдетүү региондогу укуктук мейкиндикти жана интеграцияны бекемдөөгө, ошондой эле жарандардын кызыкчылыктарын коргоого жана укуктук мамлекетти өнүктүрүүгө өбөлгө түзөөрүнө ишеним билдиришти.
Жолугушуу ЕАЭБ алкагында кызматташтыкты жана өз ара түшүнүүнү жакшыртууга багытталган жумушчу жана конкреттүү маселелерди талкуулоо менен аяктады.
16.02.2024
2024-жылдын 16-февралында Кыргыз Республикасынын Конституциялык сотунда судьялардын жана аппараттын кызматкерлеринин катышуусунда 2023-жылдын жыйынтыгы боюнча жылдык жыйналыш болуп өттү.
Конституциялык сотко кайрылуулардын саны олуттуу көбөйгөндүгү белгиленди. Отчеттук мезгилде 100гө жакын кайрылуу келип түшкөн, алардын 30% пайызы өндүрүшкө кабыл алынган. Кайрылуулардын эң көп саны жарандардан жана юридикалык жактардан ченемдик укуктук актылардын Конституцияга шайкештигин текшерүү максатында келип түшкөн.
Бардыгы болуп аталган мезгилде 20 чечим, 18 токтом жана 100гө жакын судьялар коллегияларынын аныктамалары чыгарылган. Бул көрсөткүч акыркы он жылдагы кабыл алынган сот актыларынын саны боюнча эң жогорку болуп саналат.
Конституциялык соттун төрагасы Э.Осконбаев өз сөзүндө сот өндүрүшүнүн натыйжалуулугун жогорулатуу, иш процесстерин оптималдаштыруу боюнча ишти жакшыртуу, кызматкерлердин потенциалын жана каралып жаткан иштердин аналитикалык материалдарын даярдоонун сапатын жогорулатуу зарылдыгы жөнүндө белгиледи.
Ошондой эле ал: “Жалпысынан өткөн жыл Кыргыз Республикасынын Конституциялык сотунун чечимдерине жана ишмердүүлүгүнө көңүл буруунун күчөшү менен белгиленди, бул өлкөнүн Конституциясынын кабыл алынгандыгынын 30 жылдыгын майрамдоо менен шартталды. Белгилей кетсек, Конституциялык сот өз ишинде ачыктыкка жана айкындуулукка болгон умтулуусуна бекем бойдон калууда. Соттун ишмердүүлүгү жөнүндө коомчулукка маалымдоо, анын ичинде коммуникациянын заманбап каражаттарын пайдалануу аркылуу маалымдоо иш-чаралары келечекте да улантылат. Конституциялык соттун бардык угуулары ачык өткөрүлөт жана ведомствонун расмий сайтында жана YouTube каналында көрсөтүлөт” –деп баса белгиледи.
Жыйналыш келечек мезгилге стратегиялык пландарды жана артыкчылыктарды талкуулоо менен аяктады.
Конституциялык сот конституциялык ченемдерди жана жарандардын укуктарын коргоо боюнча өз миссиясын улантууга чечкиндүүлүгүн билдирди, ошондой эле натыйжалуулукту жогорулатуу жана заманбап маалыматтык коомдун шарттарында жарандардын сот адилеттигин...
10.01.2024
Бүгүн, 2024-жылдын 10-январында, Кыргыз Республикасынын Конституциялык сотунун судьясы Чинара Айдарбекова Индонезиянын Конституциялык соту тарабынан уюштурулган эл аралык онлайн-конференцияга катышты.
Иш-чара 16 өлкөдөн 162 катышуучунун көңүлүн өзүнө бурду.
Конференциянын башталышында катышуучуларга Индонезиянын гимни менен коштолгон видеотасма көрсөтүлүп, ал иш-чаранын жүрүшүнө салтанаттуу маанай түздү. Андан кийин Индонезиянын Конституциялык сотунун тарыхын жана ишмердүүлүгүн анын маанилүүлүгү жана өлкөнүн конституциялык турмушуна кошкон салымы контекстинде чагылдырган баяндама-видеоролик көрсөтүлдү.
Катышуучулар талкууларга активдүү катышып, конституциялык сот адилеттигинин актуалдуу маселелери боюнча өз көз караштарын билдиришти жана бул жаатта эл аралык кызматташуунун маанилүүлүгүн баса белгилешти. Кыргыз Республикасынын Конституциялык сотунун судьяларынын катышуусу ар кандай мамлекеттердин Конституциялык сотторунун ортосундагы кесипкөй байланыштарды чыңдоодо маанилүү кадам болуп саналат.
Бул конференция конституциялык сот адилеттиги жаатында мамлекеттер ортосунда диалогдун жана тажрыйба алмашуунун зарылчылыгын баса белгиледи жана укуктук туруктуулукту камсыз кылуу, ошондой эле конституциялык принциптерди коргоо үчүн эл аралык деңгээлде кызматташууга чакырды.
28.12.2023
Урматтуу кесиптештер жана достор!
Сиздерди Кыргыз Республикасынын Конституциялык сотунун атынан келе жаткан 2024-жылыңыз менен куттуктайм!
Жаңы жыл – бул артка кылчайып өткөн жылга сереп салып, келе жаткан жаңы жылга утурлай алдыбызга жаңы максаттарды койгон аруу-тилектердин жана жаркын күтүүлөрдүн майрамы.
Келе жаткан жыл кандай болору өзүбүздөн да көз каранды. Андыктан өзүбүзгө болгон ишеним бек болуп, ушул жыл – чечкиндүү чечимдерди ишке ашыруунун, жаңы горизонтторду ачуунун жана жаңы бийиктиктерге жетишүүнүн жылы болсун.
Жаңы 2024-жыл жаркын кесиптик ийгиликтердин, жаратман жигердүү иштердин, бейпил тынчтыктын жана бакубаттыктын жылы болуп, өлкөбүз адилеттүүлүктүн жана мыйзамдуулуктун негизинде гүлдөп-өсө берсин.
Майрам алды менен Сизге жана сиздин жакындарыңызга ден соолук, өз ара сый-урмат жана жаркын маанай каалайм.
Эң жакшы тилектер жана терең урматтоо менен, Эмиль Осконбаев.
08.12.2023
04.12.2023
2023-жылдын 1-декабрында “Аялдар-судьяларынын кыргыз ассоциациясы” КУнун «Адамга багытталган мамилени илгерилетүү боюнча сот адилеттиги институттарынын секторлор аралык өз ара аракеттенүүсү» аттуу ар жылдык 9-конференциясы ишин баштады.
Конференциянын ишине төмөнкү чакырылган коноктор да катышты:
– Осконбаев Эмил Жолдошевич – Кыргыз Республикасынын Конституциялык сотунун төрагасы;
– Жунушпаев Кыдык Карыбаевич – Кыргыз Республикасынын Судьялар кеңешинин төрагасы, Кыргыз Республикасынын Жогорку сотунун судьясы;
– Конгантиева Зарема Камбаралиевна – Кыргыз Республикасынын Президентинин Администрациясынын соттор жана прокуратура органдары менен өз ара аракеттенүү бөлүмүнүн башчысынын орун басары;
– Баетов Аяз Батыркулович – Кыргыз Республикасынын юстиция министри;
– Дарданов Нурлан Камалбекович – Президенттин Талас облусундагы ыйгарым укуктуу өкүлү.
Конституциялык соттун төрагасы өзүнүн куттуктоо сөзүндө “конференциянын темасы жарандардын укуктарын коргоо жана сактоо маселелерин калыс чечүү үчүн сот адилеттиги институттарын биригүүгө жана өз ара аракеттенүүгө үндөйт” - деп белгиледи.
Конференциянын ишинин жүрүшүндө катышуучулар коомчулуктун ишенимин жогорулатуунун ыкмасы катары сот адилеттиги институттарынын ишмердүүлүгүнө мониторинг жүргүзүү жана баалоо, өз ишинде гендердик-багытталган мамилени колдонууда сот адилеттиги институттарынын өз ара аракеттенүү маселелерин, кызматкерлердин квалификациясын биргелешип жогорулатуу методдорун, гендердик зомбулукка каршы күрөшүү боюнча чараларды жана башка бир катар маселеледи карашты жана талкуулашты.
Конференцияга Кыргыз Республикасынын судьялары, Жогорку Кеңештин, Башкы прокуратуранын, Адвокатуранын, Акыйкатчы институтунун, башка мамлекеттик органдардын жана жарандык коомдун өкүлдөрү чакырылган. Конференцияга Өзбекстандын, Казакстандын жана ЕАЭБдин судьялары активдүү катышты. Ошондой эле Америка Кошмо Штаттарынын, Нигериянын жана Кытайдын судьялары да онлайн режиминде кошулуп, иш-чараны көп улуттуу тажрыйба жана түрдүү көз ка...
20.11.2023
Кыргыз Республикасынын Конституциялык сотунун судьялары М.Касымалиев жана К. Кыдырбаев Минск шаарында 16-17-ноябрда өткөн Евразия экономикалык бирлигинин сотунун “Бирликтин сотунун практикасынын ЕАЭБдин укуктук тартибин түзүүгө тийгизген таасири” аттуу VI эл аралык конференциясына катышты.
Конференциянын ачылышында ЕАЭБдин сотунун төрагасы Э.В. Айриян, Беларусь Республикасынын Президентинин Администрациясынын Башчысынын орун басары О. И. Чуприс, КМШнын Экономикалык Сотунун төрагасы А. В. Плотников, ошондой эле жогорку сот органдарынын судьялары куттуктоо кайрылуулары менен чыгып сүйлөштү. Кыргыз Республикасынын Конституциялык сотунун атынан куттуктоо сөзү менен судья Кырккелди Кыдырбаев чыгып сүйлөдү. Өзүнүн куттуктоо сөзүндө К. Кыдырбаев ЕАЭБ сотунун өзгөчө ролун белгиледи, – “Ал түзүлгөндөн бери Бирликтин туруктуу иштеген юридикалык органы болуп саналат жана интеграциялык процесстерди илгерилетүүгө, жалпысынан бул уюмдун өнүгүшүнө жана эл аралык аренада анын аброюн жогорулатууга өзүнүн татыктуу салымын кошуп келет”.
Конференциянын алкагында Евразия экономикалык бирлигинин укук жана аны колдонуунун актуалдуу маселелери, ЕАЭБ сотунун тажрыйбасы жана анын региондук укукту өркүндөтүүгө жана ЕАЭБге мүчө мамлекеттерде укуктук колдонууга тийгизген таасири, ЕАЭБ соту тарабынан кабыл алынган чечимдердин аткарылышы, ошондой эле эл аралык сот адилеттигинин маселелери каралды.
Конференциянын жүрүшүндө ЕАЭБ сотунун төрагасы Эрна Айриян Евразия экономикалык комиссиясына жана ЕАЭБ сотуна, бул эл аралык бирликтин ичиндеги бөгөттөрдү жана чектөөлөрдү алып салууга тиешелүү кошумча ыйгарым укуктар берилерин билдирди. “Бул азырынча долбоор, ал Евразия өкмөттөр аралык кеңештин 26-октябрда өткөн жыйналышында талкуудан өткөн. Документти мамлекет башчыларына 2023-жылдын декабрында берүү пландаштырылууда”, – деп белгиледи Соттун төрагасы...
02.11.2023
Бүгүн, 2023-жылдын 2-ноябрында, Конституциялык сотто Дүйнөлүк банктын миссиясынын башчысы-мамлекеттик сектор боюнча улук адис Клаус Декер менен жолугушуу болуп өттү.
Жолугушууга Конституциялык соттун Төрагасы Эмил Осконбаев, судья Чинара Айдарбекова, аппарат жетекчиси Каныбек Масалбеков, Дүйнөлүк банктын консультанттары Уран Эсенгелдиев жана Алия Маралбаева катышты.
Жолугушуунун жүрүшүндө Кыргыз Республикасынын Конституциялык сотунун төрагасы Эмиль Осконбаев миссиянын көңүлүн конституциялык сот өндүрүшүнүн натыйжалуулугун жогорулатуу жана алыскы аймактардагы жарандардын сот адилеттигине жеткиликтүүлүгүн камсыз кылуу үчүн электрондук сот өндүрүшүн киргизүү зарылдыгына бурду. Тараптар ошондой эле санариптик технологиялар, маалыматтарды сактоо жана программалык камсыздоо маселелерин талкуулашты.
Жолугушуунун жыйынтыгы боюнча Конституциялык соттун төрагасы сот процессине санариптик технологияларды киргизүү реформалоонун маанилүү милдеттеринин бири болуп саналат деп белгиледи. “Технологиялар сот өндүрүшүн тездетип, ошондой эле жарандардын ишенимин жогорулатат, ал эми электрондук сот өндүрүшүн киргизүү процесстик жана башка документтер менен ишти жөнөкөй жана ыңгайлуу кылат, иштерди кароо мөөнөттөрүн кыйла тездетүүгө, соттордун да, сот процессинин катышуучуларынын да чыгымдарын азайтууга мүмкүндүк берет” – деп белгиледи Э.Өскөнбаев.
Дүйнөлүк банктын техникалык миссиясынын өкүлдөрү Кыргызстанга сот органдарын санариптик трансформациялоо боюнча мамлекеттин пландарын колдоо максатында сот системасына ...
03.10.2023
Бүгүн, 2023 – жылдын 3-октябрында Кыргыз Республикасынын Конституциялык сотунун төрагасы Эмиль Осконбаев аппараттын жаңы жетекчиси Каныбек Масалбековду жамаатка тааныштырды.
Эмил Осконбаев өз сөзүндө Каныбек Масалбеков Конституциялык соттун аппаратында 2015-жылдан бери иштеп келе жаткандыгын жана иш учурунда жогорку кесипкөйлүгүн жана жоопкерчилигин көрсөткөнүн белгиледи.
Ошондой эле Төрага аналитикалык блокту күчтөндүрүү зарылдыгын белгилеп, бир катар тапшырмаларды берип, Каныбек Масалбековго ийгиликтүү жана жемиштүү иш каалап кетти.
Маалымдама үчүн:
1979-жылдын 6-июлунда Жалалабад облусунун Аксы районунун Кербен шаарында төрөлгөн.
2000-жылы «Эл аралык мамилелер» адистиги боюнча Кыргызстандын Эл Аралык Университетин аяктаган. 2002-жылы «Юриспруденция» адистиги боюнча Кыргызстандын Эл Аралык Университетинин магистратурасын аяктаган.
Юстициянын 1-класстагы кеңешчиси.
Эмгек жолу:
2001-2006жж. - Кыргыз Республикасынын туризм, спорт жана жаштар саясаты боюнча мамлекеттик комитетинин туризм инфраструктурасын ѳнүктүрүү жана кадрлардын даярдоосун пландаштыруу бѳлүмүнүн башкы адиси, бѳлүм башчысы, туризм, эл аралык байланыштар жана маркетинг бѳлүмүнүн башчысы, туризм башкармалыгынын жетекчисинин орун басары.
2007-2009жж. - ЖЧК «Cosmo» аткаруучу директору;
2009-2015жж. - жеке ишкер;
03.2015-04.2015ж. -Кыргыз Республикасынын Өкмөтүнө караштуу геология жана минералдык ресурстар боюнча мамлекеттик агенттигинин инвестиция жана тышкы байланыштар бѳлүмүнүн башчысы;
04.2015-04.2017жж.- Кыргыз Республикасынын Жогорку сотунун Конституциялык палатасынын эл аралык бѳлүмүнүн башчысы
04.2017-04.2022жж.- Кыргыз Республикасынын Жогорку сотунун Конституциялык палатасынын эл аралык байланыштар жана мыйзамдардын салыштырма анализи секторунун башчысы
04.2022-03.10.2023жж. - Кыргыз Республикасынын Конституциялык сотунун эл аралык байланыштар жана мыйзамдардын салыштырма анализи бөлүмүнүн башчысы.
Сыйлыктар:
Кыргыз Республикасыны...
28.09.2023
Кыргыз Республикасынын Конституциялык сотунун судьялары Жолдошева Л.Ч. жана Шаршеналиев Ж.А. КЭРдин Циндао жана Ханчжоу шаарларында өткөн ШКУга мүчө-мамлекеттердин судьялары үчүн үстүбүздөгү жылдын 7-23 – сентябрында КЭРдин коммерция министрлиги жана Шандунь тышкы соода кесиптик колледжи тарабынан уюштурулган окуу семинарына катышты.
Окутуунун жүрүшүндө катышуучулар Кытайдын тарыхы, маданияты, “Бир алкак – бир жол” демилгесин ишке ашыруунун алкагында өткөрүлүп жаткан Циндао элдик сотунун динамикалуу соттук иш-чаралары, бул жаатта укуктук кызматташтыкты илгерилетүү боюнча сунуштары, КЭРдин укуктук жана сот системасы, Эркин соода аймагындагы Мыйзамдын үстөмдүгүнүн практикасы жана инновациялары, актуалдуу маселелер боюнча пикир алмашуу жана талкууларды өткөрүү менен соттук-укуктук чөйрөнү реформалоодо КЭРдин тажрыйбасы менен таанышты.
Семинардын программасына Шандунь провинциясынын Циндао шаарында жайгашкан Эл аралык “Кытай-ШКУ көргөзмө аймагынын Бермети» Экспоборборуна, Циндао шаарынын элдик ортомчу борборуна, Адвокаттык бюросуна, Административдик кызмат көрсөтүүлөр борборуна, Ханчжоу шаарында жайгашкан Сиху көлүнө жана Кытайдын башка административдик имараттары, маданий-тарыхый кызыктуу жерлерине баруулар киргизилген.
Ошондой эле Конституциялык соттун судьялары 19-20-сентябрда КЭР сот тутумунун жогорку жетекчилигинин катышуусунда өткөн Кытай-ШКУ Аймактык сотторунун судьяларынын форумуна катышты. Форумда акыйкаттуулукту жана натыйжалуулукту өнүктүрүү аркылуу сотторго болгон ишенимди бекемдөө, коммерциялык келишимдерге байланыштуу иштерди кароонун механизмдери жана эрежелери, трансчек аралык кибер кылмыштуулукка каршы күрөшүүдө...
22.09.2023
Урматтуу кыргызстандыктар!
23 - сентябрь-мамлекеттүүлүктүн башкы символдорунун бири жана элибиздин руханий байлыгынын түгөнгүс булагы болгон мамлекеттик тил күнүн белгилейбиз.
Ата-бабаларыбыз бизге кооз, бай жана терең тилди сактап жеткиришкен.
Ар бир элдин тили өзгөчө,"тил — элдин жүзү жана байлыгы".
Эне тилин билүү-өз улутуна жана өз тегине болгон сый-урматтын белгиси.
Биздин жалпы милдетибиз-мамлекеттик тилди сактоо жана жайылтууга көмөктөшүү.
Мамлекеттик тил күнү менен!
Урматтоо менен, Кыргыз Республикасынын
Конституциалык сотунун Төрагасы Эмиль Осконбаев.
