Меню навигации+
>Жаңылыктар> 6

Жаңылыктар

05.08.2022

Конституциялык соттун төрагасы Эмиль Осконбаев Президент Садыр Жапаровдун судьялар корпусу менен жолугушуусуна арналган иш-чарага катышты

Ушул жылдын 5-августунда Кыргыз Республикасынын Жогорку сотунун имаратында Кыргыз Республикасынын Президенти Садыр Жапаровдун судьялар корпусу менен жолугушуусу болуп өттү. Иш-чарага Конституциялык соттун төрагасы Эмиль Осконбаев катышты.

 

«Сот реформасындагы негизги жана эң маанилүү кадам бул – судьялардын кынтыксыз иштешин, сот тутумунун ишмердүүлүгүнүн жогорку сапатын камсыз кылуу менен элдин үмүт-тилегин актоо», - деп билдирди Президент Садыр Жапаров.

(more…)

20.07.2022

Конституциялык сот өзүнүн укуктук позицияларынын базасына кирүү мүмкүнчүлүгүн ачты

Конституциялык сот Негизги Мыйзамга ылайык конституциялык түзүлүштүн негиздерин, адамдын жана жарандын негизги укуктарын жана эркиндиктерин коргоо, Конституциянын үстөмдүгүн жана түздөн-түз колдонулушун камсыз кылуу максатында конституциялык сот өндүрүшү аркылуу конституциялык контролду жүзөгө ашыруучу сот бийлигинин жогорку органы болуп саналат.

 

Жалпы юрисдикциядагы соттордун чечимдеринен айырмаланып, Конституциялык соттун чечимдери конституциялык сот өндүрүшүнүн түздөн-түз катышуучуларына гана эмес, бүтүндөй коомго таасир этет. Конституциялык соттун чечимдеринде баяндалган укуктук позициялар анын ишинин негизги көрүнүштөрүнүн жана натыйжаларынын бири болуп саналат. Алар анын чечимдерин алдын-ала аныкташат жана милдеттүү мүнөзгө ээ.

(more…)

12.07.2022

Бишкек шаарынын, Чүй, Нарын жана Ысык-Көл облустарынын жергиликтүү сотторунун судьялары, ченем жаратуучу жана башка мамлекеттик органдардын өкүлдөрү үчүн конституционализмдин жайкы мектеби өткөрүлдү

Ушул жылдын 6-9-июлунда Конституциялык сот Европа Биримдигинин "Кыргыз Республикасында укуктун үстөмдүгүн бекемдөөгө көмөктөшүү-2-фаза" долбоорунун колдоосу менен Бишкек шаарынын, Чүй, Нарын жана Ысык-Көл облустарынын жергиликтүү сотторунун судьялары, ошондой эле ченем жаратуучу жана башка мамлекеттик органдардын юридикалык кызматтарынын өкүлдөрү үчүн конституционализмдин жайкы мектебин өткөрдү.

(more…)

07.07.2022

КР Акыйкатчысынын (Омбудсмендин) аппаратынын кызматкерлери, адвокаттар, бейөкмөт уюмдардын өкүлдөрү үчүн конституционализмдин жайкы мектеби өттү.

Кыргыз Республикасынын Конституциялык соту коомдун ар кандай топторунун өкүлдөрү үчүн конституционализмдин жылдык жайкы мектептерин өткөрүүнүн жакшы салтын улантып, ушул жылдын 3-6-июлунда "Адилет" Укуктук клиникасы" коомдук фонду менен биргеликте Кыргыз Республикасынын Акыйкатчысынын (Омбудсменинин) аппаратынын кызматкерлери, адвокаттар жана бейөкмөт уюмдардын өкүлдөрү үчүн конституционализмдин жайкы мектебин өткөрдү.
06.07.2022

Климаттын өзгөрүшүнө карата соттук таасирди жакшыртуу боюнча эл аралык семинар

2022-жылдын 6-июлунда видеоконференц байланыштүрүндө “Климаттын өзгөрүшүнө соттук таасир” деген темада эл аралык семинар болуп өттү.

Иш-чара Кытай Эл Республикасынын Жогорку элдик соту тарабынан Азия өнүктүрүү банкы жана ClientEarth айлана-чөйрөнү коргоо боюнча кайрымдуулук уюму менен биргеликте уюштурулду. (more…)

30.06.2022

Кыргыз Республикасынын Салык кодексинин 87-беренесинин 1, 2-бөлүктөрүнүн конституциялуулугун текшерүү жөнүндө иш боюнча пресс-релиз

2022-жылдын 29-июнунда Конституциялык сот Жалал-Абад шаардык сотунун судьялары А. Калмамат уулу жана А.А. Апысованын суроо-талабына байланыштуу Кыргыз Республикасынын Салык кодексинин 87-беренесинин 1, 2-бөлүктөрүнүн конституциялуулугун текшерүү жөнүндө ишти карап чыкты.

 

Конституциялык сот талашылып жаткан ченемдер Кыргыз Республикасынын Конституциясынын 23-беренесинин 3, 4, 5-бөлүктөрүнө, 31-беренесинин 1, 2-бөлүктөрүнө карама-каршы келбейт деген тыянакка келди.

 

Конституциялык контролдоо органы өзүнүн чечиминде мамлекеттик бюджет – коомдук иштин бардык чөйрөлөрүндө мамлекеттик милдеттерди ишке ашыруунун ажырагыс атрибуту жана негизги куралы болуп санала тургандыгын белгиледи.

(more…)

17.06.2022

Кыргыз Республикасынын сот системасынын абалын диагностикалоо жана талдоо боюнча стратегиялык сессия болуп өттү

Үстүбүздөгү жылдын 16-17-июнунда USAID "Укук булагы" долбоорунун колдоосу менен Президенттин Администрациясынын, Конституциялык соттун, Жогорку соттун, Сот департаментинин, USAID "Укук булагы" долбоорунун өкүлдөрүнүн жана тартылган эксперттердин катышуусу менен Кыргыз Республикасынын сот тутумунун абалын диагностикалоо жана талдоо боюнча стратегиялык сессия болуп өттү.

 

Сессиянын ишине Кыргыз Республикасынын Конституциялык сотунан аппарат жетекчи Марат Джаманкулов катышты.

(more…)

16.06.2022

Азия конституциялык cоттор ассоциациясынын 3-изилдөө конференциясы


2022-жылдын 15-16-июнунда «Жашоо укугу» темасында Азиянын конституциялык сотторунун жана ага шайкеш институттардын ассоциациясынын (AКСА) 3-изилдөө конференциясы болуп өттү.

 

Иш-чарага Кыргыз Республикасынын Конституциялык сотунун аппаратынын эксперттик-аналитикалык башкармалыгынын аналитика бөлүмүнүн улук консультанты С.Самсалиева жана эксперттик-аналитикалык башкармалыктын укуктук жана уюштурууну камсыздоочу бөлүмүнүн консультанты Н.Кененсариева катышты.

(more…)

15.06.2022

КРнын Кылмыш-жаза процессуалдык кодексинин 121-беренесинин 13-бөлүгүнүн конституциялуулугун текшерүү жөнүндө иш боюнча пресс-релиз

Бүгүн, 2022-жылдын 15-июнунда Конституциялык сот Өмүркул уулу У., М.Ж. Турганбаевдин КР Кылмыш-жаза процессуалдык кодексинин 121-беренесинин 13-бөлүгүнүн конституциялуулугун текшерүү жөнүндө кайрылуусу боюнча ишти карады.

 

Талашылып жаткан ченемге ылайык мүлккө камак салуу чарасын колдонуунун зарылдыгы жок болгондо, бул иш анын өндүрүшүндө турган адамдын же органдын токтомунун негизинде кылмыш-жаза сот өндүрүшүнүн кандай гана болбосун баскычында мүлккө камак салуу жокко чыгарылат.

(more…)

08.06.2022

Кыргыз Республикасынын Кылмыш-жаза процессуалдык кодексинин 167-беренесинин 1, 2-бөлүктөрүнүн конституциялуулугун текшерүү жөнүндө иш боюнча пресс-релиз

Бүгүн, 2022-жылдын 8-июнунда Конституциялык сот А.К. Алагушевдин жана Н.К. Сыдыковдун кайрылуусуна байланыштуу Кыргыз Республикасынын Кылмыш-жаза процессуалдык кодексинин 167-беренесинин 1, 2-бөлүктөрүнүн конституциялуулугун текшерүү жөнүндө ишти карап чыкты.

 

Конституциялык сот, талашылып жаткан ченемдер укуктук аныктык принцибине ылайык келбеген жана эгерде ачыкка чыгаруу тергөөнүн таламдарына карама-каршы келбесе жана жазык процессинин катышуучуларынын укуктарын жана мыйзамдуу таламдарын бузбаса, ачык жарыяланышы мүмкүн болгон маалыматтардын тизмесин камтыбаган даражада Кыргыз Республикасынын Баш Мыйзамынын жоболоруна карама-каршы келет деген тыянакка келди.

(more…)

18.05.2022

«Кыргыз Республикасынын Президентин жана Кыргыз Республикасынын Жогорку Кеңешинин депутаттарын шайлоо жөнүндө» Кыргыз Республикасынын конституциялык Мыйзамынын 28-беренесинин 6-бөлүгүнүн конституциялуулугун текшерүү жөнүндө иш боюнча пресс-релиз

Конституциялык сот 2022-жылдын 27-апрелинде А.К. Алагушев жана Н.К. Сыдыковдун кайрылуусуна байланыштуу «Кыргыз Республикасынын Президентин жана Кыргыз Республикасынын Жогорку Кеңешинин депутаттарын шайлоо жөнүндө» конституциялык Мыйзамдын 28-беренесинин 6-бөлүгүнүн конституциялуулугун текшерүү жөнүндө ишти карады.

 

Конституциялык сот талашып жаткан ченем Кыргыз Республикасынын Баш Мыйзамынын жоболоруна карама-каршы келбейт деген тыянакка келди.

(more…)

10.05.2022

Душанбе шаарында конституциялык сот адилеттиги жана мыйзам үстөмдүгү маселеси талкууланууда

Бүгүн 2022-жылдын 10-майында Тажикстандын борбору Дүйшөмбү шаарында “Конституциялык сот адилеттиги жана мыйзам үстөмдүгү” деген темада эл аралык тегерек стол өтүүдө. Иш-чараны Венеция комиссиясы Тажикстан Республикасынын Конституциялык соту менен биргеликте уюштурган.

(more…)

10.05.2022

Конституциялык соттун Төрагасы Эмиль Осконбаев Улуу Ата Мекендик согуштагы Жеңиштин 77 жылдыгына арналган митинг-реквиемге катышты

Конституциялык соттун Төрагасы Эмиль Осконбаев 9-майда Президент Садыр Жапаровдун катышуусу менен өткөн Улуу Ата Мекендик согуштагы Жеңиштин 77 жылдыгына арналган митинг-реквиемге катышты. Митинг-реквиемге ошондой эле Улуу Ата Мекендик согуштун ардагерлери, депутаттар, мамлекеттик органдардын өкүлдөрү жана Бишкек шаарынын тургундары катышты.

(more…)

05.05.2022

Кыргыз Республикасынын Президенти Садыр Жапаров Конституциялык сотко келди

Кыргыз Республикасынын Президенти Садыр Жапаров бүгүн, 5-майда, өлкөнүн Конституция күнүндө Конституциялык сотко келди.

 

Имарат менен таанышуу учурунда Конституциялык соттун Төрагасы Эмил Өскөнбаев Мамлекет башчыга сот бийлигинин жогорку органынын иши, сот өндүрүшүнүн процесстери, сот системасын санариптештирүү жана башкалар жөнүндө айтып берди.

(more…)

05.05.2022

Кыргыз Республикасынын Конституция күнүнө арналган студенттер арасындагы «Адилеттүү коомду курууда Конституциянын мааниси» темасындагы сынактын жеңүүчүлөрүн сыйлоо аземи өттү

Бүгүн, 5-майда, Конституциялык сотто Кыргыз Республикасынын Конституция күнүнө арналган студенттер арасындагы сынактын жеңүүчүлөрүн сыйлоо боюнча салтанаттуу иш-чара өттү. Сынак Кыргыз Республикасынын Конституциялык соту тарабынан USAID «Укук булагы» долбоорунун техникалык колдоосу менен уюштурулган.

 

Бул сынак жаштарды укуктук жактан агартуу жана алардын аң-сезиминде Конституциянын мамлекеттин негизги мыйзамы катары маанисин бекитүү максатында өткөрүлдү.

(more…)

30.04.2022

Д.Э. Исраиловдун «Жергиликтүү мамлекеттик администрация жана жергиликтүү өз алдынча башкаруу органдары жөнүндө» Кыргыз Республикасынын Мыйзамынын 9-беренесинин 2-бѳлүгүнүн 3-пунктунун конституциялуулугун текшерүү боюнча ѳтүнүчүн ѳндүрүшкѳ кабыл алуу жөнүндө (расмий тилде кабыл алынган)

29.04.2022

Кыргыз Республикасынын Конституциялык соту менен Кыргыз Республикасынын Президентине караштуу Ж. Абдрахманов атындагы мамлекеттик башкаруу академиясынын ортосунда кызматташуу жөнүндө меморандумга кол коюлду.

Бүгүн, 2022-жылдын 29-апрелинде Кыргыз Республикасынын Президентине караштуу Ж. Абдрахманов атындагы Мамлекеттик башкаруу академиясында Кыргыз Республикасынын Конституция күнүнө жана жогорку окуу жайдын 30 жылдыгына арналган «Кыргыз Республикасынын конституциялык укугу: өнүгүүсү, көйгөйлөрү жана келечеги» темасында жогорку окуу жайлар арасында студенттик илимий-практикалык конференция өттү.

(more…)

27.04.2022

Түрк мамлекеттеринин уюмуна мүчө мамлекеттердин конституциялык юрисдикцияларынын конференциясы түзүлдү

2022-жылдын 27-апрелинде Түркия Республикасынын Конституциялык соту тарабынан Түркиянын Конституциялык сотунун 60 жылдыгына арналган «Негизги укуктарды жана эркиндиктерди коргоо жаатында Конституцияны чечмелөө» темасында эл аралык конференция ишин аяктады.

(more…)

25.04.2022

Анкарада Түркиянын Конституциялык сотунун 60 жылдыгына арналган эл аралык конференция өтүп жатат

Бүгүн Түркиянын борбору Анкарада Түркиянын Конституциялык сотунун 60 жылдыгына арналган «Адамдын негизги укуктарын жана эркиндиктерин коргоо жаатындагы Конституцияны чечмелөө» аттуу эл аралык конференция өз ишин баштады.

 

Кыргыз Республикасынын Конституциялык сотунун атынан конференцияга Кыргыз Республикасынын Конституциялык сотунун төрагасынын орун басары К.А. Дуйшеев катышууда.

(more…)

20.04.2022

Кыргыз Республикасынын Судьялар кеӊешинин 2021-жылдын 13-августундагы Чечими менен бекитилген Кыргыз Республикасынын Судьялар кеңешиндеги судьялардын жоопкерчилиги тууралуу маселелерди кароонун тартиби жөнүндө Убактылуу Жобонун конституциялуулугун текшерүү жөнүндө иш боюнча пресс-релиз

Бүгүн, 20-апрелде Конституциялык сот жаран Ж. Калкожоевдин кайрылуусуна байланыштуу Кыргыз Республикасынын Судьялар кеӊешинин 2021-жылдын 13-августундагы Чечими менен бекитилген Кыргыз Республикасынын Судьялар кеңешиндеги судьялардын жоопкерчилиги тууралуу маселелерди кароонун тартиби жөнүндө Убактылуу Жобонун конституциялуулугун текшерүү жөнүндө ишти карап чыкты.

 

Конституциялык сот өз чечиминде бул Жобо ченемдик укуктук актынын бардык белгилерине ээ экенин жана конституциялык сот өндүрүшүнүн алкагында текшерилүүгө тийиш экендигин белгилеген.

(more…)