Жаңылыктар

Бүгүн, 2022-жылдын 30-августунда, Конституциялык сотто Кыргыз Республикасынын Эгемендүүлүк күнүнө арналган салтанаттуу иш-чара болуп өттү, ага Конституциялык соттун судьялары, аппараттын кызматкерлери жана чакырылган коноктор катышты.

Конституциялык соттун төрагасы Эмиль Осконбаев катышуучуларды жана Кыргыз Республикасынын бардык жарандарын келе жаткан Эгемендүүлүк күнү менен куттуктап, бардыгына чың ден – соолук, Мекендин жыргалчылыгы үчүн ишинде ийгиликтерди каалады. "Кылымдар бою көз карандысыздык биздин башкы баалуулугубуз, кыргыз элинин өз тагдырынын кожоюну болуу укугу үчүн кылымдар бою күрөшүп келген салтанатынын таажысы болуп келген. Мамлекетибиздин көз карандысыздыгын коргоо, элдин биримдигин жана жерибиздин бүтүндүгүн сактоо ар бирибиз үчүн ыйык милдет", - деди Төрага.

(more…)

Урматтуу мекендештер,

Кыргыз Республикасынын жарандары!

Кыргыз Республикасынын Конституциялык сотунун атынан Сиздерди Кыргыз Республикасынын Эгемендүүлүк күнү менен чын дилимден куттуктаймын! Азыркы Кыргыз Республикасынын жаңы тарыхынын жылбаяны ушул күндөн башталат.

Бүгүн – биздин өлкө үчүн маанилүү жана мааракелүү күн, биз Кыргыз Республикасынын Эгемендүүлүк күнүнүн 31 жылдыгын белгилеп жатабыз.
Биздин көзкарандысыздык – бул ыйык мурас, ал үчүн ата-бабаларыбыз кылымдар бою күрөшүп келген, ал үчүн жанын берген.

(more…)

Бүгүн, 2022-жылдын 26-августунда, Алматы шаарында (Казакстан Республикасы) Казакстан Республикасынын Конституция күнүнө арналган "Коомдун жана мамлекеттин трансформациясындагы конституциялык контролдоонун эволюциясы" темасындагы эл аралык тегерек стол өтүп жатат.

Иш-чаранын уюштуруучусу Европа кеңешинин жана ЕСтин Борбордук Азиядагы укуктун үстөмдүгү боюнча 2020-2023-жылдарга карата программасы менен биргеликте Казакстан Республикасынын Конституциялык кеңеши болуп саналат.

(more…)

18-19-августта Монголиянын Улан-Батор шаарында Азия ассоциациясынын төрагалыгынын алкагында Монголиянын Конституциялык соту уюштурган Азия конституциялык сотторунун жана ага шайкеш институттардын ассоциациясынын (АКСА)  5-чи Конгресси болуп өттү.

Иш-чара гибриддик режимде (онлайн жана оффлайн) "Азиядагы конституциялык сот адилеттигин учурдагы өнүктүрүү" темасында өттү, анын алкагында видеоконференцбайланыш режиминде Кыргыз Республикасынын Конституциялык сотунун судьясы Л.Жумабаев "КОВИД-19 пандемиясынын шартында Кыргыз Республикасында конституциялык сот адилеттигин жүзөгө ашыруунун айрым аспектилери жөнүндө"деген темада баяндама жасады.

(more…)

Ушул жылдын 5-августунда Кыргыз Республикасынын Жогорку сотунун имаратында Кыргыз Республикасынын Президенти Садыр Жапаровдун судьялар корпусу менен жолугушуусу болуп өттү. Иш-чарага Конституциялык соттун төрагасы Эмиль Осконбаев катышты.

«Сот реформасындагы негизги жана эң маанилүү кадам бул – судьялардын кынтыксыз иштешин, сот тутумунун ишмердүүлүгүнүн жогорку сапатын камсыз кылуу менен элдин үмүт-тилегин актоо», - деп билдирди Президент Садыр Жапаров.

(more…)

Ушул жылдын 6-9-июлунда Конституциялык сот Европа Биримдигинин "Кыргыз Республикасында укуктун үстөмдүгүн бекемдөөгө көмөктөшүү-2-фаза" долбоорунун колдоосу менен Бишкек шаарынын, Чүй, Нарын жана Ысык-Көл облустарынын жергиликтүү сотторунун судьялары, ошондой эле ченем жаратуучу жана башка мамлекеттик органдардын юридикалык кызматтарынын өкүлдөрү үчүн конституционализмдин жайкы мектебин өткөрдү.

(more…)

Үстүбүздөгү жылдын 16-17-июнунда USAID "Укук булагы" долбоорунун колдоосу менен Президенттин Администрациясынын, Конституциялык соттун, Жогорку соттун, Сот департаментинин, USAID "Укук булагы" долбоорунун өкүлдөрүнүн жана тартылган эксперттердин катышуусу менен Кыргыз Республикасынын сот тутумунун абалын диагностикалоо жана талдоо боюнча стратегиялык сессия болуп өттү.

Сессиянын ишине Кыргыз Республикасынын Конституциялык сотунан аппарат жетекчи Марат Джаманкулов катышты.

(more…)

2022-жылдын 15-16-июнунда «Жашоо укугу» темасында Азиянын конституциялык сотторунун жана ага шайкеш институттардын ассоциациясынын (AКСА) 3-изилдөө конференциясы болуп өттү.

Иш-чарага Кыргыз Республикасынын Конституциялык сотунун аппаратынын эксперттик-аналитикалык башкармалыгынын аналитика бөлүмүнүн улук консультанты С.Самсалиева жана эксперттик-аналитикалык башкармалыктын укуктук жана уюштурууну камсыздоочу бөлүмүнүн консультанты Н.Кененсариева катышты.

(more…)

Бүгүн 2022-жылдын 10-майында Тажикстандын борбору Дүйшөмбү шаарында “Конституциялык сот адилеттиги жана мыйзам үстөмдүгү” деген темада эл аралык тегерек стол өтүүдө. Иш-чараны Венеция комиссиясы Тажикстан Республикасынын Конституциялык соту менен биргеликте уюштурган.

(more…)

Конституциялык соттун Төрагасы Эмиль Осконбаев 9-майда Президент Садыр Жапаровдун катышуусу менен өткөн Улуу Ата Мекендик согуштагы Жеңиштин 77 жылдыгына арналган митинг-реквиемге катышты. Митинг-реквиемге ошондой эле Улуу Ата Мекендик согуштун ардагерлери, депутаттар, мамлекеттик органдардын өкүлдөрү жана Бишкек шаарынын тургундары катышты.

(more…)

Кыргыз Республикасынын Президенти Садыр Жапаров бүгүн, 5-майда, өлкөнүн Конституция күнүндө Конституциялык сотко келди.

Имарат менен таанышуу учурунда Конституциялык соттун Төрагасы Эмил Өскөнбаев Мамлекет башчыга сот бийлигинин жогорку органынын иши, сот өндүрүшүнүн процесстери, сот системасын санариптештирүү жана башкалар жөнүндө айтып берди.

(more…)

Бүгүн, 5-майда, Конституциялык сотто Кыргыз Республикасынын Конституция күнүнө арналган студенттер арасындагы сынактын жеңүүчүлөрүн сыйлоо боюнча салтанаттуу иш-чара өттү. Сынак Кыргыз Республикасынын Конституциялык соту тарабынан USAID «Укук булагы» долбоорунун техникалык колдоосу менен уюштурулган.

Бул сынак жаштарды укуктук жактан агартуу жана алардын аң-сезиминде Конституциянын мамлекеттин негизги мыйзамы катары маанисин бекитүү максатында өткөрүлдү.

(more…)