04.05.2019
Кыргыз Республикасынын Президенти Сооронбай Жээнбеков 4-май күнү Кыргыз Республикасынын Жогорку сотунун Конституциялык палатасынын судьяларын кабыл алды. (more…)
Жаңылыктар
03.05.2019
Бүгүн Конституциялык палатада Бишкек шаарынын 7 ЖОЖунун студенттери үчүн Ачык эшиктер күнү өткөрүлүп, «Менин жашоомдогу Конституциянын ролу» темасындагы сынактын жеңүүчүлөрү сыйланышты жана ведомстволук сыйлыктарды салтанаттуу тапшыруу аземи болуп өттү. Аталган иш-чаралар Кыргы Республикасынын Конституциясынын Күнүнө арналган. (more…)
02.05.2019
Кыргыз Республикасынын Конституциясынын Күнүнө карата Конституциялык палата тарабынан ар жылы өткөрүлүүчү иш-чаралар алкагында 2019-жылдын 23-апрелинен тартып Конституциялык палатанын төрагасы Э.Т. Мамыров, ошонджой эле судьялар М.Р. Бобукеева, Ч.О. Осмонова, Ч.А. Айдарбекова, М.Ш. Касымалиев, Ж.И. Саалаев жана Э.Ж. Осконбаев «Ала-Тоо» Эл аралык университетинин, КР Өкмөтүнө караштуу Кыргыз мамлекеттик Юридикалык Академиясынын, КР ТИМге караштуу Дипломатиялык академиянын, И.Арабаев атындагы Кыргыз Мамлекеттик университетинин жана ошондой эле Кыргыз-Россия Славян университетинин, Ж.Баласагын атындагы Кыргыз Улуттук университетинин, Боробордук Азиядагы Америкалык университетинин юридикалык факультеттеринин жана С.Нааматов атындагы Нарын Мамлекеттик университетинин студенттери үчүн мейман лекцияларын өткөрүп келишти. (more…)
30.04.2019
Конституциялык палатага Туркия Республикасынын Премьер-министринин Аппаратына караштуу Кызматташуу жана өнүктүрүү боюнча туркиялык башкармалыктын (ТИКА) вице-президенти Рахман Нурдун баштаган делегация келип кетти. (more…)
29.04.2019
Бүгүн Европа Кеңешинин Укук аркылуу демократия үчүн Европа комиссиясынын Катчылыгынын (Венеция комиссиясы) демилгеси менен Кыргыз Республикасынын Жогорку сотунун Конституциялык палатасынын төрагасы Э.Мамыров Венеция комиссиясынын региондук кызматташуу боюнча бөлүмдүн башчысы С. Кузнецов менен жолугушту. (more…)
24.04.2019
Конституциялык палата 2019-жылдын 24-апрелинде Жогорку соттун сунуштамасына байланыштуу «Кыргыз Республикасынын Жогорку Кеңешинин Регламенти жөнүндө» Кыргыз Республикасынын Мыйзамынын 3-беренисинин 1-бөлүгүнүн 35-пунктунун конституциялуулугун текшерүү жөнүндө ишти карап чыгып, талашылып жаткан ченемди Конституцияга карама-каршы келет деп тааныды. (more…)
18.04.2019
Конституциялык палата 2019-жылдын 17-апрелинде М.Э. Токтоматовдун кайрылууусуна байланыштуу «Кыргыз Республикасынын Адвокатурасы жана адвокаттык иш жѳнүндѳ» Мыйзамдын 19-беренесинин 2-бѳлүгүнүн 4-пунктунун конституциялуулугун текшерүү жѳнүндѳ ишти карап чыгып, талашылып жаткан ченемди Конституцияга карама-каршы келет деп тааныды. (more…)
12.04.2019
Бүгүн, 12-апрель күнү, Кыргыз Республикасынын Конституциясын кабыл алуу Күнүнө арналган «Конституциялык сот адилеттигинде өлчөмдөштүк принциби: адамдын жана жарандын укуктары менен эркиндиктерин чектөө тажрыйбасы» аттуу илимий-тажрыйбалык конференция Бишкекте болуп өттү. Конференция «Кыргыз Республикасында адам укуктарынын үстөмдүгүнө көмөктөшүү – 2-фаза» Европа Биримдигинин долбоорунун колдоосу менен Конституциялык палата тарабынан уюштурулган. (more…)
16.03.2019
Учурдагы жылдын 16-март күнү Конституциялык палатанын судьялары жана кызматкерлери республиканын шаарларын жана айылдарын санитардык тазалоо жана көрктөндүрүү боюнча жалпы республикалык үч айлыктын алкагында ишембиликке чыгышты. Ишембиликте Конституциялык палатанын территориясы, арыктары тазаланып жана бак-дарактар санитардык кесүүдөн өткөрүлдү. (more…)
14.03.2019
Конституциялык палата Кыргыз Республикасында сот тутумун бекемдѳѳ боюнча ЮСАИД жана IDLO Программасынын техникалык колдоосу менен «Конституциянын менин жашоомдогу орду» темасында студенттер арасында сынак жарыялайт.
Сынак Кыргыз Республикасынын Конституциясынын кабыл алынган күнүнө арналып, мамлекеттин Баш мыйзамынын ролун жана маанисин ачуучу эң жакшы эссе жана видеороликтерди аныктоо максатында ѳткѳрүлѳт. (more…)
07.03.2019
Конституциялык палата 2019-жылдын 6-мартында жогоруда аталган ченемдик укуктук актылардын конституциялуулугун текшерүү жѳнүндѳ ишти карап чыгып, ага ылайык талашылып жаткан Мыйзам ченеми кабыл алынган чечимдин жүйөлөштүрүлгөн бөлүгүндө берилген конституциялык-укуктук маанисинде Кыргыз Республикасынын Конституциясына карама-каршы келбейт деп таанылды. Башкача айтканда, эмгектенүү конституциялык укугун ар кандай чектөө, аскер кызматчыларынын ишинин өзгөчөлүктөрүнө байланыштуу конституциялык маанилүү максаттарына жараша орундуу болсо да, ал белгилүү мыйзамдар негизинде жана дагы башка жоромолдор мүмкүнчүлүгүн болтурбаган критерийлерге негизделиши керек. (more…)
05.03.2019
Конституциялык палатада Кыргыз Республикасынын сот тутумунун кызматкерлеринин күнүндө Конституциялык палатанын судьяларына жана Аппараттын көрүнүктүү кызматкерлерине ведомстволук сыйлыктар салтанаттуу түрдө тапшырылды. (more…)
28.02.2019
Бүгүн Кыргыз Республикасындагы Туркиянын Өзгөчө жана ыйгарым укуктуу элчиси Женгиз Камил Фыраттын демилгеси боюнча Кыргыз Республикасынын Жогорку сотунун Конституциялык палатасынын төрагасы Э.Т. Мамыров менен жолугушуу болуп өттү. (more…)
22.02.2019
Бүгүн, 2019-жылдын 22-февралында, Конституциялык палата ММК өкүлдөрү жана маалымат агенттиктери менен диалог аянтчасын уюштурган, ал журналисттер үчүн Конституциялык палатанын ишмердиги менен таанышууга жана аларды кызыктырган суроолорго жооп алууга мүмкүнчүлүк түзгөн. Жалпысынан, иш-чара журналисттердин конституциялык сот өндүрүш маселелеринде билим деңгээлин көтөрүүгө багытталган. (more…)
21.02.2019
Конституциялык палата 2019-жылдын 20-февралында А.А. Рябушкиндин кайрылуусуна байланыштуу «Товардык белгилер, тейлөө белгилери жана товарлар чыгарылган жерлердин аталыштары жөнүндө» Мыйзамдын ишкерлик кылып жүргѳн жеке жак тарабынан товардык белгини каттатуу маселесин регламенттеген 3-беренесинин 2-бөлүгүнүн, 6-беренесинин 1-бөлүгүнүн конституциялуулугун текшерүү жөнүндө ишти карап чыгып, талашылып жаткан ченемдерди Конституцияга карама-каршы келбейт деп тааныды. (more…)
13.02.2019
Конституциялык палата 2019-жылдын 13-февралында Кыргыз Республикасынын Жер кодексинин юридикалык жакты чет өлкөлүк юридикалык жактарга каратуунун белгилерин аныктаган 1-беренесинин 11-пунктунун «б», «в» жана «г» пунктчаларынын конституциялуулугун текшерүү жѳнүндѳ ишти карап чыгып, талашылып жатан ченемдерди Конституцияга карама-каршы келбейт деп тааныды. (more…)
12.02.2019
Акипрессте «КР Президентинин ишмердигинин кепилдиктери жөнүндө» КР Мыйзамына өзгөртүүлөрдү киргизүү жөнүндө» мыйзам долбоорун экинчи окууда Жогорку Кеңештин конституциялык мыйзамдар, мамлекеттик түзүлүш, соттук-укуктук маселелер жана Регламент боюнча комитеттин отурумунда кароодо Жогорку Кеңештин депутаты И.А. Масалиевдин айткандары жарыяланган, анда Конституциялык палатанын чечими туура эмес чыккан деп ага төмөнкүдөй баа берилүүдө: конституциялык сот адилеттигин жүзөгө ашырган орган мыйзам чыгаруу органына жана Өкмөткө тапшырма берүүдө өзүнүн ыйгарым укуктарынан аша чапкандыгы жөнүндө; көрсөтүлгөн мыйзам долбоорун кабыл алганга чейин Конституциялык палатанын ишмердигин текшерүү зарылдыгы жөнүндө. (more…)
04.02.2019
Конституциялык палата 2019-жылдын 01-февралында «Кыргыз Республикасынын судьяларынын статусу жөнүндө» конституциялык Мыйзамдын 15-беренесинин 3-бөлүгүнүн үчүнчү абзацынын, 17-беренесинин 2-бөлүгүнүн конституциялуулугун текшерүү жѳнүндѳ ишти карап чыкты. Кароонун жыйынтыгы боюнча талашылып жаткан ченемдер Конституцияга карама-каршы келет деп таанылды. (more…)
17.01.2019
Конституциялык палата 2019-жылдын 16-январында Кыргыз Республикасынын Өкмөтүнүн 1994-жылдын 18-июлундагы № 521 токтому менен бекитилген Мамлекеттик алымдын ставкаларынын 1-пунктунун «а» пунктчасынын төртүнчү абзацынын конституциялуулугун текшерүү жөнүндө ишти карады. Кароонун жыйынтыгы боюнча талашылып жаткан ченем Конституцияга карама-каршы келет деп таанылды, анткени мүлк мүнөзүндөгү жарандык доолор боюнча мамлекеттик алымдын негизделбеген көп өлчөмү соттук коргонуу укугун жүзөгө ашыруу үчүн чыныгы тоскоолдукка айланууда. Бирок мамлекеттик алымды төлөө маселесинде укуктук боштукту жокко чыгаруу максатында жана акылга сыярлык токтоолук принцибин жетекчиликке алып, Конституциялык палатанын чечиминде кийинкиге калтыруу шарты менен талашылып жаткан ченем 2019-жылдын 16-апрелинен тарта Кыргыз Республикасынын Конституциясынын 16-беренесинин 3-бөлүгүнө, 20-беренесинин 5-бөлүгүнүн 8-пунктуна, 40-беренесинин 1-бөлүгүнүн биринчи абзацына карама-каршы келет деп таанылды.
10.01.2019
Учурдагы жылдын 10-январында Конституциялык палатада 2018-жыл үчүн ишмерликтин жыйынтыктарын чыгаруу боюнча судьялардын жана Аппарат кызматкерлеринин жылдык жыйыны болуп өттү.
Конституциялык палатанын төрагасы Эркинбек Мамыров жыйынды ачып жатып, 2018-жылы көп жумуш жасалган жана Кыргызстанда конституциялык мыйзамдуулукту бекемдөөдө маанилүү чечидмер чыгарылган деп белгилеп кетти. Ошентип, 2018-жылы өндүрүшкө кабыл алынган иштердин жалпы санынан, 75%ы Конституцияга карама-каршы же жарым-жартылай каршы келет деп таанылган, ал эми 25%ы өлкөнүн Баш мыйзамына карама-каршы келбейт деп таанылган. Баяндалган фактылар адамдын жана жарандын конституциялык укуктары менен эркиндиктерин камсыз кылууда, ошондой эле Баш мыйзамда түптөлгөн идеялар менен принциптерди коргоодо конституциялык контролдоо органынын ролун көрсөтүп турат.
Конституциялык палатанын төрагасы Эркинбек Мамыров 2018-жылы Конституциялык палатанын чечимдеринин аткарылышын контролдоо жана ага мониторинг жүргүзүү боюнча иштер улантылып келгенин белгилеп кетти. «Бүгүнкү күндө Конституциялык палатанын чечимдерин жүзөгө ашыруу максатында Кыргыз Республикасынын Юстиция министрлиги тийиштүү ченемдик-укуктук актыларды иштеп чыгуу боюнча жооптуу орган катары Конституциялык палатанын жыйынтыктоочу актыларынын аткарылышынын жүрүшү тууралуу маалыматты ай сайын берип турат» , - деп кошумча белгиледи.
Андан ары Аппараттын жетекчиси Акылбек Сарбагышов сөздү улап, 2018-жыл үчүн Аппараттын түзүмдүк бөлүмдөрүнүн ишмердиги тууралуу маалымат берди. Андан тышкары, судьялар Конституциялык палатанын 2018-жылга карата Иш планынын аткарылышы жөнүндө маалымат менен таанышты. Отчеттун жыйынтыгы боюнча Аппарат жетекчиси отчетту жыл ичиндеги Конституциялык палатанын Иш планын жүзөгө ашырылуусун эсепке алып, Конституциялык палатанын 2019-жылга карата Иш планына киргизүү үчүн бир катар өзүнүн сунуштарын айтты.
Жыйындын жүрүшүндө катышуучулар Конституциялык палатанын судья-катчысы Меергуль Бобукееванын да баяндам...