>Жаңылыктар> 29 
Үстүбүздөгү жылы 13-15-июлда Ыссык-Көлдүн жээгинде КР ЖС Конституциялык палата жактоочулар, ченем жаратуучу органдардын өкүлдөрү жана башка мамлекеттик органдардын өкүлдөрү үчүн конституционалдуулуктун жайкы мектебин өткөрдү.
Жайкы мектеп катышуучулардын Конституциялык палатанын ишмердүүлүгү жѳнүндѳ, конституциялык сот өндүрүшүнө кайрылуу берүү жана катышуу тартиби тууралуу билим деңгээлин жогорулатуу үчүн өткөрүлдү.
Кыргыз Республикасынын Президенти Алмазбек Атамбаев Жогорку соттун Конституциялык палатасынын төрагасы Эркинбек Мамыровду кабыл алды.
Жолугушууда Мамлекет башчысы өлкө жарандарынын конституциялык укуктарын коргоо боюнча жүргүзүлүп жаткан иштер тууралуу маалымат алды. Эркинбек Мамыров ошондой эле талаш-тартыш жараткан ченемдердин конституциялуулугун текшерүүнүн жүрүшүндө аныкталган укуктук жөнгө салууда укуктук кенемтелердин бар экендиги көрсөтүлгөн Конституциялык палатанын чечимдеринин мамлекеттик органдар тарабынан аткарылышынын абалы жөнүндө да айтып берди. Ал укуктук жөнгө салуудагы кенемтелерди өз убагында толтурбоо жарандардын жана юридикалык жактардын Конституцияда кепилденген укуктарынын жана мыйзамдуу кызыкчылыктарынын бузулушуна алып келет деп белгиледи.
материал жок
2016-жылдын 14-июнунда Кыргыз Республикасынын Жогорку сотунун Конституциялык палатасында төрага М. Касымалиев жана судьялар Ч. Айдарбекова, Э. Осконбаев менен Венеция комиссиясынын делегаттары Арис Цимдарс - Латвиянын шайлоо комиссиясынын төрагасы, Питер Вордл – шайлоо укугу маселелери боюнча эксперт (Улуу Британия), Владимир Гросу –Венеция комиссиясынын Молдовадан мүчөсүнүн орун басары, Светлана Анисимова – Европа Кеңешинин Венеция комиссиясынын регионалдык кызматташуу программалар бөлүмүнүн Борбордук Азиядагы долбоорлор боюнча менеджеринин курамында жолугушуу болуп өттү.
Кыргызстанда 10-июнда ««Мамлекеттик бийлик бутактарынын арасындагы ооздуктоо жана тең салмактуулук тутумунун натыйжалуу иштешиндеги конституциялык контролдоо органынын орду жана мааниси» темасындагы Кыргызстандагы БУУѲП колдоосу менен Кыргыз Республикасынын Жогорку сотунун Конституциялык палатасы уюштурган эл аралык конференция өз ишин аяктады.
Бүгүн Кыргызстанда ««Мамлекеттик бийлик бутактарынын арасындагы ооздуктоо жана тең салмактуулук тутумунун натыйжалуу иштешиндеги конституциялык контролдоо органынын орду жана мааниси» темасындагы эл аралык конференция ѳз ишин баштады, Кыргызстандагы БУУѲПтун долборуунун колдоосу менен Кыргыз Республикасынын Жогорку сотунун Конституциялык палатасы уюштурган.
1-июнда Кыргыз Республикасынын Президентине караштуу Мамлекеттик башкаруу академиясынын базасында (КР ПМБА) Кыргыз Республикасынын Жогорку сотунун Конституциялык палатасынын кызматкерлери үчүн «Расмий иш чараларды, конференцияларды, тегерек столдорду даярдоо жана өткөрүү» темасына тренинг өттү.
Кыргыз Республикасынын Жогорку сотунун Конституциялык палатасы Кыргыз Республикасынын Конституция күнүнө арналып студенттердин арасында өткөрүлгөн «Конституция – мамлекеттин негизги мыйзамы» темасындагы республикалык сынактын жеңүүчүлөрүнө белектерди тапшырды, ошондой эле Бишкек шаарынын Жогорку окуу жайларынын юридикалык факультеттеринин студенттери үчүн Ачык эшиктер күнүн өткөрдү.
Бүгүн Кыргыз Республикасынын Жогорку сотунун Конституциялык палатасынын судьялары Конституция күнүнө карата студенттер үчүн меймандык лекцияларды өткөрүштү. Анда, судья Курмантай Абдиев Жалал-Абад мамлекеттик университетинин студенттеринин алдында чыгып сүйлѳдү, судья Меергуль Бобукеева И. Арабаев атындагы Кыргыз Мамлекеттик университетинин студенттерине лекция окуду.
Бүгүн Кыргыз Республикасынын Жогорку сотунун Конституциялык палатасында Конституциялык палата менен Бишкек шаарынын жождорунун ортосундагы кызматташтык жѳнүндѳ меморандумга кол коюу боюнча салтанаттуу иш чара өткөрүлдү. Иш чарага Конституциялык палатанын судьялары, Жусуп Баласагын атындагы Кыргыз Улуттук Университетинин ректору Ч.А. Адамкулова, КР Тышкы иштер министрлигинин Дипломатиялык академиясынын ректору Н.Т. Айтмурзаев, КР Ѳкмѳтүнѳ караштуу Кыргыз мамлекеттик юридикалык академиясынын проректору А.Ш. Мамбеткулов, Б.Н. Ельциндин атындагы Кыргызстан-Россия Славян Университетинин проректору Л.Ч. Сыдыкова, ошондой эле аталган жождордун конституциялык укук кафедраларынын декандары, окутуучулары катышышты.
Бүгүн Борбордук Азиядагы Эл аралык университеттин 1-курсунун студенттери Конституциялык палатанын ишмердүүлүгү менен жакындан таанышышты. Студенттер менен жолугушуу учурунда Палатанын судьялары жана кызматкерлери Конституцияны жана адамдын укуктары менен эркиндиктерин коргогон орган катары Конституциялык палатанын милдеттери жана функциялары, ошондой эле Конституция, анын коомдогу ролу жѳнүндѳ айтып беришти. Белгилеп кетчү нерсе, студенттердин Конституциялык палатага келүүсү адаттагыдай жана жакшы кѳрүнүш болуп калды, мында ар бир адамга жылуу мамиле кылуу менен бардык кызыктырган суроолоруна жооп беришүүгѳ даяр. (more…)
