Бүгүн Борбордук Азиядагы Америка университетинде «Адилет-2017» конституциялык адилет сот боюнча биринчи республикалык окуу соту болду. Иш чарага Борбордук Азиядагы Америка университетинен, Кыргыз-Россия Славян университетинен, Ж.Баласагын атындагы Кыргыз Улуттук университетинин юридикалык факультетинен, «Ататүрк Ала-Тоо» эл аралык университетинен, ИИМ Академиясынан, Укук, финансы жана бизнес эл аралык академиясынан командалар катышты.
Бүгүн Конституциялык палатанын судьялары жана анын аппарат кызматкерлери Кыргыз Республикасында жүргүзүлүп жаткан сот реформасы алкагында жаңы мыйзамдардын презентациясына катышып келишти. Жаңы Жазык, Жазык-процесстик, Жазык-аткаруучулук, Жарандык-процесстик, Административдик-процесстик кодекстерди, жоруктар жана бузуулар жөнүндө кодексти иштеп чыгууга катышкан эксперттик жумушчу топтордун жетекчилери жана мүчөлөрү иш-чаранын катышуучуларына көрсөтүлгөн укук тармактарында мыйзамдарды реформалоонун концептуалдык негиздери, концепциялары жана кабыл алынган кодекстердин жаңылыктары тууралуу айтып беришти. 2017-жылдын 24-майында Конституциялык палата Жазык-процесстик кодекстин 378-беренесинин 2-бѳлүгүнүн «Тараптардын келбей калышы ишти карап чыгууга тоскоолдук кылбайт» деген ченемдик жобосунун конституциялуугун текшерүү жѳнүндѳ ишти карап чыгып, аны төмөнкүдөй жүйѳлѳргѳ ылайык Кыргыз Республикасынын Конституциясынын 40-беренесинин 1-бөлүгүнө, 99-беренесинин 1, 2, 3-бөлүктөрүнө карама-каршы келбейт деп тапты. Кыргыз Республикасынын Жогорку сотунун Конституциялык палатасынын төрагасы Э.Мамыров учурдагы жылдын 16-майында Россия Федерациясынын Конституциялык соту Санкт-Петербург шаарында уюштурган «Конституциялык адилет соту: доктрина жана тажрыйба» эл аралык конференциясынын ишине катышып келди. Урматтуу кыргызстандыктар! 1993-жылдын 5-майында мамлекетибиздин баш мыйзамы – эгемендүү Кыргыз Республикасынын Конституциясы кабыл алынган. Бул алгачкы Конституция, кѳз карандысыз мамлекеттин курулушуна, мамлекет менен жарандардын, коомдук бирикмелердин ортосунда жаңыча мамиле түзүүгө укуктук негиз берген. Бүгүн Конституциялык палата Кыргыз Республикасынын Конституция күнүнө карата Бишкек шаарынын юридикалык факультеттеринин студенттери үчүн Ачык эшиктер күнүн өткөрүп, «Конституциялык адилет соту адамдын жана жарандын укуктары менен эркиндиктерин коргоо каражаты катары» темасындагы студенттер арасындагы сынактын жеңүүчүлөрүнө белектерин тапшырды. Кыргыз Республикасынын Конституциясы күнүнө карата арналган мейман лекцияларын өткөрүлүшүн улантып, Кыргыз Республикасынын Жогорку сотунун Конституциялык палатасынын судьялары Мукамбет Касымалиев жана Чинара Айдарбекова Кыргыз мамлекеттик юридикалык академиясынын жана Кыргыз Республикасынын Президентине караштуу Мамлекеттик башкаруу академиясынын студенттери үчүн мейман лекцияларын өткөрүштү. Конституциялык палата 28-29-апрель күндөрү «Адилет» укуктук клитникасы» коомдук уюму менен бирге Бишкек шаарынын жана Чуй областынын жергиликтүү соттордун судьялары үчүн Конституционализм мектебин өткөрүштү. Бул Конституционализм мектебинин максаты – катышуучулардын Конституциялык палатанын ишмерлиги жөнүндө билимин арттыруу, адамдын жана жарандын укуктарын коргоо системасында мындай органдын ролунун өзгөчөлүгүн жана маанилүүлүгүн түшүнүү, ошондой эле Конституциялык палатага суроо-талап менен кайрылуу тартибин түшүндүрүү болуп саналат. Бүгүн, Конституциялык палата Кыргыз Республикасынын Конституция күнүнө карата арналган иш-чаралардын алкагында, Кыргыз Республикасынын Жогорку сотунун Конституциялык палатасынын судьясы Бобукеева Меергуль Рыскулбековна Б.Ельцин атындагы Кыргыз-Россия Славян университети уюштурган илимий-практикалык конференцияга катышып, Кыргыз Республикасынын Жогорку сотунун Конституциялык палатасынын ишмерлиги жөнүндө студенттер үчүн мейман лекциясын өткөрдү. Лекцияда судья Конституциянын мамлекеттин, коомдун жана инсандын турмушундагы мааниси, Конституциянын үстөмдүгүн камсыз кылуу, адамдын укуктарын жана эркиндиктерин коргоо боюнча орган катары Конституциялык палатанын ролу жана орду тууралуу айтып берди. Судья конституциялык контролдоонун түрлөрүнө кеңири токтолду. Бүгүн Кыргыз Республикасынын Жогорку сотунун Конституциялык палатасынын судьялары Чолпон Осмонова жана Чинара Айдарбекова К.Дикамбаев атындагы КР ТИМдин Дипломатиялык академиясынын, И.Арабаев атындагы Кыргыз мамлекеттик университетинин студентери үчүн мейман лекцияларын өткөрүштү. Мейман лекциялары 5-майда белгиленип турган Кыргыз Республикасынын Конституция күнүнө карата өткөрүлдү. Конституциялык палатанын төрагасы Э.Т.Мамыров 2017-жылдын 25-апрелинен 28-апрелине чейин Анкара шаарында Туркия Конституциялык сотунун 55 жылдыгына арналган “Конституциялык соттор негизги укуктардын коргоочулары катары” темадагы эл аралык конференциясынын ишине катышууда. 20-21-апрель күндөрү Бишкек шаарында Конституциялык палата “Адилет” укуктук клиникасы” коомдук фонду менен бирге КР Акыйкатчысынын (Омбудсменинин) аппарат кызматкерлери үчүн Конституционализм мектебин өткөрүштү. Конституционализм мектеби катышуучулардын Конституциялык палатанын ишмерлиги жөнүндө, кайрылууну берүү жана конституциялык сот өндүрүшүнө катышуу тартиби жөнүндө билим деңгээлин көтөрүү максатында өткөрүлгөн. 2017-жылдын 19-апрелинде Конституциялык палата Кыргыз Республикасынын судьялары кызмат ордуна Юриспруденция" адистиги багытында "бакалавр" академиялык даражасы бар болгон учурда, "магистр" академиялык даражасын ыйгаруу менен жогорку юридикалык билими боюнча талапкерлер үчүн каралган «Кыргыз Республикасынын судяларынын статусу жөнүндө» конституциялык мыйзамынын 15-беренесинин 1-бөлүгүнүн биринчи жана экинчи абзацтарынын жана 17-беренесинин 1-бөлүгүнүн конституциялуулугун текшерүү жөнүндө иш каралган. Бүгүн Кыргыз Республикасынын Жогорку сотунун Конституциялык палатасынын төрагасы Эркинбек Мамыров Ж.Баласагын атындагы Кыргыз Улуттук университетинин юридика факультетинин стеденттери үчүн мейман лекциясын өткөрдү. Студенттердин алдында сөз сүйлөп жатып, Эркинбек Мамыров Конституциялык платанын ишмерлиги, мамлекеттик бийлик органдарынын тутумунда анын ролу жана орду жөнүндө айтып берди. Андан тышкары, Төрага Конституциялык палатанын ыйгарым укуктарына, талашылып жаткан ченемдик укуктук актыларды сынга алуу учурунда конституциялык контролдоо органдарынын мамилелери менен принциптерине жана кабыл алынган чечимдерге кеңири токтолуп кетти. 31-март күнү Конституциялык палатанын аппарат жетекчиси жана кызматкерлери “Кыргызтест” системасы боюнча тесттен өтүштү. Тесттен өтүү Кыргыз Республикасынын Президентинин 2014-жылдын 2-июнундагы № 119 Жарлыгы менен бекитилген 2014-2020-жылдарга карата Кыргыз Республикасында Мамлекеттик тилди өнүктүрүүнү жана тил саясатын өркүндөтүүнү жүзөгө ашыруу максатында ишке ашырылган. 2017-жылдын 29-мартында Конституциялык палата Кыргыз Республикасынын Айкыйкатчысынын «Терроризмге жана экстремизмге каршы аракеттенүү чөйрөсүндөгү Кыргыз Республикасынын айрым мыйзам актыларына өзгөртүүлөрдү киргизүү жөнүндө» Кыргыз Республикасынын Мыйзамынын 6-беренесинин конституциялуулугун текшерүү жөнүндө сунуштамасын карап чыгып, кийинкидей чечим чыгарды. Учурдагы жылдын 22-мартында Конституциялык палатанын төрагасы Эркинбек Мамыров мырза, төраганын орун басары Куанбек Киргизбаев мырза, судья-катчы Меергуль Бобукеева айым Борбордук Азияда Европа Союзунун «Укук Үстөмдүгү Платформасы – Борбордук Азия» долбоорунун мониторинги боюнча эл аралык эксперт Пламен Тончев мырза менен жолугушуу болду. Учурдагы жылдын 18-мартында Конституциялык палатанын кызматкерлери Конституциялык палатанын имаратына жакын жерлердин санитардык жана эпидемиологиялык абалын жакшыртуу максатында тазалап чыгышты. Конституциялык палата Кыргыз Республикасында сот тутумун бекемдѳѳ боюнча ЮСАИД жана IDLO Программасынын техникалык колдоосу менен Кыргыз Республикасынын Конституция күнүнѳ карата «Конституциялык сот адилеттиги адамдардын жана жарандардын укуктары менен эркиндиктерин коргоо каражаты катары» темасында студенттер арасында сынак жарыялайт. Сынак адамдардын жана жарандардын укуктары менен эркиндиктерин коргоодогу конституциялык сот адилеттигинин ролун жана маанисин белгилеген эң жакшы эссе жана видеороликтерди аныктоо максатында ѳткѳрүлѳт. Кыргыз Республикасынын Президенти Алмазбек Атамбаев 2017-жылдын 7-мартында Укук аркылуу демократия үчүн Европалык комиссиянын (Венеция комиссиясы) кайрылуусуна байланыштуу, ошондой эле Кыргыз Республикасынын Конституциясынын 65-беренесине ылайык «Кыргыз Республикасынын Венеция комиссиясындагы мүчөсүнүн орун басары жөнүндө» Буйрукка кол койду. Бул Буйрукка ылайык Кыргыз Республикасынын Жогорку сотунун Конституциялык палатасынын төрагасы Мамыров Эркинбек Тобокелович Кыргыз Республикасынын Венеция комиссиясындагы мүчөсүнүн орун басары болуп дайындалды. 
Конституциялык палатанын Төрагасынын Кыргыз Республикасынын Конституция күнүнө карата куттуктоо сөзү
Конституциялык палатанын судьялары КМЮА жана КРПМБА студенттери үчүн мейман лекцияларын окуп келишти
