Меню навигации+
>Жаңылыктар> 24

Жаңылыктар

18.01.2018

Конституциялык палата 2017-жыл ичинде ишмерликтин жыйынтактарын чыгарды

Учурдагы жылдын 17-январында Конституциялык палатада Конституциялык палатанын 2017-жыл ичинде ишмерликтин жыйынтыктарын чыгаруу боюнча судьялардын жана Аппарат кызматкерлеринин жылдык жыйыны болуп өттү.

 

Конституциялык палатанын төрагасы Эркинбек Мамыров жыйынды ачып жатып, отчеттук жыл ичинде көп иш аткарылганын жана Кыргызстанда конституциялык мыйзамдуулукту бекемдөө жагында маанилүү кадамдар жасалды деп белгиледи. 2017-жылы Конституциялык палатанын чечимдерин жүзөгө ашыруу механизмдерин өркүндөтүү максатында Конституциялык палата жөнүндө конституциялык Мыйзамга конституциялык контролдоо органдарынын чечимдерин Өкмөт жана башка мамлекеттик бийлик органдары тарабынан аткаруу мөөнөттөрүн белгилеген өзгөрүүлөр киргизилди, биринчи жолу, өлкөдөгү конституциялык мыйзамдуулуктун абалы жөнүндө маалыматты даярдоо боюнча жумуштар башталды, Конституциялык палатанын Аппараты кайра уюштурулду, анын түзүмү оптималдаштырылды.

 

(more…)

11.01.2018

Конституциялык палатанын судьялар коллегиясынын 2017-жылдын 2-ноябрындагы аныктамасына жарандар Р.Р. Карасартованын, Омуркул уулу У., Б.Р. Жалгашевдин, У.А. Абдыкаимовдун даттануусун кароо жөнүндө иш боюнча пресс-релиз

2017-жылдын 28-сентябрында Конституциялык палатага жарандар Р.Р. Карасартованын, Омуркул уулу У., Б.Р. Жалгашевдин, У.А. Абдыкаимовдун экстремисттик материалдарды сатып алуу, даярдоо, сактоо, таратуу, ташуу жана жиберүү, ошондой эле экстремисттик же террорчулук уюмдардын символдорун же атрибуттарын атайылап пайдалануу, анын ичинде көрсөтүү үчүн жазык жоопкерчилигин караган жазык кодексинин 299-2-беренесинин 1-бөлүгүнүн биринчи абзацына тактоолорду киргизген «Кыргыз Республикасынын Жазык кодексине өзгөртүүлөрдү жана толуктоолорду киргизүү жөнүндө» 2013-жылдын 3-августундагы № 180 Мыйзамдын 1-беренесинин 9-бөлүгүн Кыргыз Республикасынын Конституциясынын 16-беренесинин 2-бөлүгүнүн экинчи абзацына, 20-беренесинин 1-, 2-бөлүктөрүнө, 20-беренесинин 5-бөлүгүнүн 4-, 5-пункттарына, 32-беренесинин 1-бөлүгүнө, 33-беренесинин 1-бөлүгүнө карама-каршы келет деп таануу жөнүндө өтүнүчү келип түшкөн.

 

Конституциялык палатанын судьялар коллегиясы 2017-жылдын 2-ноябрында өтүнүчтү өндүрүшкө кабыл алуудан баш тартуу жөнүндө аныктама чыгарган.

 

(more…)

30.12.2017

Президент Конституциялык палатанын төрагасын кабыл алды

Кыргыз Республикасынын Президенти Сооронбай Жээнбеков Конституциялык палатанын төрагасы Эркинбек Мамыровду кабыл алды.

 

Жолугушуунун жүрүшүндө  Президент Сооронбай Жээнбеков менен Конституциялык палатанын төрагасы Эркинбек Мамыров адам укуктарын жана эркиндигин коргоодо, укуктук мамлекет орнотууда, өлкөдө мыйзамдуулуктун үстөмдүгүн камсыздоону күчөтүү ишинде Конституциялык палатанын  ролу жана ишмердүүлүгү боюнча пикир алмашышты.

(more…)

14.12.2017

Бишкек жана Чүй областынын судьяларына Конституциялык палатанын чечимдеринин укуктук табияты тууралуу айтып беришти

11.12.2017

Венеция комиссиясынын 113-Пленардык сессиясы болду

Учурдагы жылдын 8-9-декабрында Венецияда Укук аркылуу демократияга Европа комиссиясынын (Венеция комиссиясы) 113-Пленардык отуруму болду. Конституциялык палатанын Төрагасы Эркинбек Мамыров Пленардык сессиянын ишине катышты.

 

(more…)

06.12.2017

«Агрохимсервисцентр» ЖАКтын Конституциялык палатанын судьялар коллегиясынын 2017-жылдын 23-июнундагы аныктамасына даттануусун кароо жөнүндөгү иш боюнча пресс-релиз

«Агрохимсервисцентр» ЖАКтын директору Н. Маматжановдун Кыргыз Республикасынын Салык кодексинин 149-беренесинин 7-бөлүгүн Конституциянын 16-беренесинин 3-бөлүгүнө, 99-беренесинин 3-бөлүгүнө карама-каршы келүүсү жөнүндөгү өтүнүчү 2017-жылдын 23-майында келип түшкөн. Конституциялык палатанын судьялар коллегиясы 2017-жылдын 23-июнунда кайрылууну өндүрүшкө кабыл алуудан баш тартуу жөнүндө аныктама кабыл алышкан.

 

«Агрохимсервисцентр» ЖАКтын директору Н. Маматжанов жогоруда көрсөтүлгөн даттануу менен макул болбостон, 2017-жылдын 13-ноябрында даттануу менен Конституциялык палатага кайрылган.

 

(more…)

16.11.2017

Конституциялык палатанын судьялары Дүйнөнүн Жогорку судьяларынын 18-конференциясына катышышты

Кыргыз Республикасынын Жогорку сотунун Конституциялык палатасынын судьялары К.А. Абдиев жана Ч.А. Айдарбекова ноябрь айынын 8нен 15не чейин Индия Конституциясынын 51-беренесине арналган «Дүйнөлүк укукту жана натыйжалуу аалам башкаруусун аткаруу аркылуу балдар үчүн дүйнөнүн биригүүсү» темасындагы Дүйнөнүн Жогорку судьяларынын 18-конференциясына катышып келишти. Конференциянын Монтессори мектеби (Лакхнау ш., Индия) уюштурган. Мектепти 1959-жылы Джагдиш Ганди мырза негиздеген.

 

Конференцияда дүйнөнүн 60тан ашуун сот тутумунун өкүлдөрү катышты. Кыргыз Республикасынын Жогорку сотунун Конституциялык палатасынын судьясы Ч.Айдарбекова «Омоктуу өнүгүү үчүн табият ресурстарын адилеттүү бөлүштүрүүдө соттордун ролу» темасында баяндама жасады.

 

 

04.11.2017

Сеулда Азия конституциялык сотторунун жана ага шайкеш институттарынын ассоциациясынын Изилдөөлөр жана өнүгүү боюнча катчылыгынын иштеп баштоосуна арналган биринчи Эл аралык стмпозиум болуп өттү

Учурдагы жылдын 1-2-ноябрларында Сеул шаарында (Корея Республикасы)  «Азиядагы конституционализм: кечээ, бүгүн жана эртең» аттуу биринчи Эл аралык сипозиум болуп өттү, ал 2016-жылы уюштурулган Азия конституциялык сотторунун жана ага шайкеш институттарынын ассоциациясынын Изилдөөлөр жана өнүгүү боюнча туруктуу катчылыгынын иштеп баштоосуна арналган.

  (more…)

31.10.2017

Конституциялык палата USAID-IDLO программсы менен Кыргызстандын сот системасын бекемдөө боюнча кызматташтыктын маселелерин талкуулашты

Бүгүн Конституциялык палатанын төрагасынын орун басары Куанбек Киргизбаевдин жана судья-катчы Меергуль Бобукееванын Кыргызстандагы Укукту өнүктүрүү боюнча  эл аралык уюмдун (IDLO) аймактык директору Фред Хьюстон мырза жана IDLO программасынын координатору Эльдияр Сеитказиев менен жолугушуу болду.

 

(more…)

20.10.2017

XXII Ереван эл аралык конференциясында конституциялык конфликттерден чыгууда конституциялык соттордун ролу талкууланды

2017-жылдын 19-20-октябрларында «Конституциялык конфликттерден чыгууда конституциялык соттордун ролу» темасында XXII Ереван эл аралык конференциясы өттү.

 

Бул конференцияда катышуучуларга конституциялык конфликттерди чечүү боюнча маалымат берилген, ошондой эле мындай маселелерди чечүүдө конституциялык контролдоо органдарынын мамилелери туурасында ой-пикирлер алмашуу болду.

 

(more…)

10.10.2017

Конституциялык палатанын судьясы Чолпон Осмонова КРнын Жогорку Кеңешинин Ардак грамотасы менен сыйланды

2017-жылдын 10-октябрында Кыргыз Республикасынын Жогорку Кеңешинин Төрагасы билим берүү, саламаттыкты сактоо, маданият, искусство, айыл чарба, экология, курулуш, миграция тармактарында, андан тышкары, мамлекеттик жана муниципиалдык кызматтарда ийгилик жараткан бир катар инсандарга Жогорку Кеңештин Ардак грамотасын жана Төраганын кол саатын тапшырды.

 

(more…)

10.10.2017

Н.Б Садыковдун М.С. Бекбаевдин кызыкчылыгында Конституциялык палатанын 2017-жылдын 13-сентябрындагы аныктамасына даттануусун кароо жөнүндө иш боюнча пресс-релиз

2017-жылдын 20-июнунда Н.Б. Садыковдун М.С. Бекбаевдин кызыкчылыгында Кыргыз Республикасынын Жазык кодексинин 313- жана 3131- беренелерин, Кыргыз Республикасынын Жазык-процесстик кодексинин расмий тилде «может быть также вынесено» жана «может быть вынесено вышестоящим судом» деп берилген 19-беренесинин 3-бөлүгүндөгү ченемдик жоболорду, ошондой эле Кыргыз Республикасынын Жазык-процесстик кодексинин 381-беренесинин 1-бөлүгүнүн, 383-беренесинин 1-бөлүгүнүн 7-пунктунун «зарыл учурларда» деп берилген сөздөрүн Кыргыз Республикасынын Конституциясынын 1-беренесине, 26-беренесинин 1-, 2- жана 4-бөлүктөрүнө, 27-беренесинин 3-бөлүгүнө, 40-беренесинин 1-бөлүгүнө карама-каршы келет деп таануу жөнүндө өтүнүчү келип түшкөн.

 

(more…)

03.10.2017

Германия жана Франциядан келген эксперттер Кыргыз Республикасынын сот тутумунун пресс-катчылары үчүн семинар өткөрүштү

3-октябрда Жогорку соттун имаратында сот органдардын ММК менен өз ара иштешүү боюнча семинар өттү, ал жерден жарыкка чыккан терс маалыматка кандай көңүл бурулушу керек экендиги жана түйүндүү иштер боюнча ММКга маалымат берүү тартиби жөнүндө маселелер каралган. Семинарга Конституциялык палатанын да пресс-катчысы катышкан.

 

(more…)

03.10.2017

Конституциялык палатанын судьялар коллегиясынын 2017-жылдын 13-июлундагы аныктамасына жаран С.С. Султанидиновдун даттануусун кароо жөнүндөгү иш боюнча пресс-релиз

2017-жылдын 27-июнунда жаран С.С. Султанидиновдун «Кыргыз Республикасынын Президентин жана Кыргыз Республикасынын Жогорку Кеңешинин депутаттарын шайлоо жөнүндө» конституциялык Мыйзамдын 53-беренесинин 1-бөлүгүнүн 5-пунктун жана 4-бөлүгүн Кыргыз Республикасынын Конституциясынын 16-беренесинин 2-бөлүгүнө, 20-беренесинин 1-, 2-бөлүктөрүнө карама-каршы келет деп таануу жөнүндө өтүнүчү келип түшкөн. Конституциялык палатанын судьялар коллегиясы 2017-жылдын 13-июлунда өтүнүчтү өндүрүшкө кабыл алуудан баш тартуу жөнүндө аныктама кабыл алган.

 

Конституциялык палата 2017-жылдын 2-октябрында С.С. Султанидиновдун Конституциялык палатанын судьялар коллегиясынын 2017-жылдын 13-июлундагы №47 аныктамасын жокко чыгаруу тууралуу даттануусун карап чыгып, аны канааттандыруусуз калтырган.

 

(more…)

03.10.2017

Конституциялык палатанын судьялар коллегиясынын 2017-жылдын 23-июнундагы аныктамасына жарандар Р.Р. Карасартованын жана У. Омуркул уулунун даттануусун кароо жөнүндөгү иш боюнча пресс-релиз

2017-жылдын 17-майында Административдик жоопкерчилик жөнүндө Кыргыз Республикасынын кодексинин 630-беренесинин 1-бөлүгүн Кыргыз Республикасынын Конституциясынын 20-беренесинин 5-бөлүгүнүн 3, 8-пункттарына, 40-беренесинин 1, 2 – бөлүктөрүнө карама-каршы келет деп таануу жөнүндө Р.Р. Карасартованын жана У. Омуркул уулунун өтүнүчү келип түшкөн. Конституциялык палатанын судьялар коллегиясы 2017-жылдын 23-июнунда өтүнүчтү өндүрүшкө кабыл алуудан баш тартуу жөнүндө аныктама кабыл алган.

 

Конституциялык палата 2017-жылдын 2-октябрында Р.Р. Карасартованын жана У. Омуркул уулунун Конституциялык палатанын судьялар коллегиясынын 2017-жылдын 23-июнундагы №36 аныктамасын жокко чыгаруу тууралуу даттануусун карап чыгып, аны канааттандыруусуз калтырган.

 

(more…)